4 फेर यहोवा नै मूसा तै कह्या, "देक्खो, मै थारै खात्तर अकास तै खाण-पीण की चीज बरसाऊँगा; अर ये माणस रोज बाहर जाकै हरेक दिन का खाणा कठ्ठा करैगें, इसतै मै उनकी परीक्षा ल्यूँगा, के ये मेरे नियम-कायदे पै चाल्लैगें के न्ही। 5 अर इसा होवैगा के छठवें दिन वो खाणा और दिनां तै दुगणा होवैगा, इस करकै जो कुछ वे उस दिन बटोरै उसनै त्यार कर राक्खै।"
14 अर जिब ओस सूखगी तो वे के देक्खै सैं, के जंगळ-बियाबान की धरती पै छोटे-छोटे छिलके पाळै के किणक्यां की ढाळ पड़ै सैं। 15 न्यू देखकै इस्राएली, जो न्ही जाणै थे के या के चीज सै, वे आप्पस म्ह कहण लाग्गे यो तो मन्ना सै। फेर मूसा नै उनतै कह्या, "या तो वोए खाण-पीण की चीज सै जिस ताहीं यहोवा थारे खाण खात्तर देवै सै।