8 "तू विश्रामदिन नै पवित्र मानण कै खात्तर याद राखिये। 9 छः दिन20:9 छः दिन हर हफ्तै कै छ: दिन तो तू मेहनत करकै अपणा सारा काम-काज करिये; 10 पर सातवाँ दिन तेरे परमेसवर यहोवा कै खात्तर विश्रामदिन सै। उस म्ह ना तो तू किसे ढाळ का काम-काज करिये, अर ना तेरा बेट्टा, ना तेरी बेट्टी, ना तेरा दास, ना तेरी दास्सी, ना तेरे पशु, ना कोए परदेशी जो तेरे फाटकां कै भित्तर हो। 11 क्यूँके छः दिन म्ह यहोवा नै अकास अर धरती, अर समुन्दर, अर जो कुछ उन म्ह सै, सारया ताहीं बणाया, अर सातमै दिन विश्राम करया; इस करकै यहोवा नै विश्रामदिन ताहीं आशीष दी अर उस ताहीं पवित्र ठहराया।"
Publicidade