पवित्र तम्बू
1 "फेर मिलापआळे तम्बू कै खात्तर दस पड़दे बणवाईये; उननै बटी होई सणी आळे अर नीले, बैंगणी अर लाल रंग के कपड़े की कढ़ाई के काम करे होए करूबां कै गेल्या बणवाईये।
7 "फेर निवास स्थान कै उप्पर तम्बू का काम देण कै खात्तर बकरी के बाळ के ग्यारह पड़दे बणवाईये। 14 फेर तम्बू कै खात्तर लाल रंग तै रंगी होई मिंढयाँ की खाल का एक ओढ़णा अर उसकै उप्पर सुइसां की खाल का भी एक ओढ़णा बणवाईये।"
15 "फेर मिलापआळे तम्बू नै खड्या करण कै खात्तर किक्कर की लाकड़ी कै तख्तें बणवाईये।
पवित्र तम्बू का अन्दरला हिस्सा
31 "फेर नीले, बैंगणी अर लाल रंग के अर बटी होई सूक्ष्म सणी आळे कपड़े का एक बीच आळा पड़दा बणवाईये; वो कढ़ाई कै काम करे होए करूबां कै गैल बणे। 33 अर बीच आळे पड़दे नै कुण्डीयाँ कै तळै लटकाकै, उसकी आड़ म्ह साक्षीपत्र का सन्दूक भित्तर ले जाईये; इस करकै वो बीच आळा पड़दा थारे खात्तर पवित्र स्थान नै परमपवित्र स्थान तै न्यारा करे राक्खै।