11 फेर मूसा अपणे परमेसवर यहोवा नै यो कहकै मनाण लाग्या, "हे यहोवा, तेरा छो अपणी प्रजा पै क्यूँ भड़क्या सै, जिसनै तू बड़े सामर्थ अर बलवन्त हाथ कै जरिये मिस्र देश तै लिकाड़ ल्याया सै? 12 मिस्री माणस न्यू क्यूँ कहण पावै, ‘वो उननै बुरे मकसद तै, यानिके पहाड़ां म्ह घात करकै धरती पै तै भी मिटा देण की इच्छा तै लिकाड़ लेग्या?’ तू अपणे भड़के होए छो नै ठण्डा कर, अर अपणी प्रजा नै इसा नुकसान पोहोचाण तै मन बदल ले। 13 अपणे दास अब्राहम, इसहाक, अर याकूब नै याद करकै, जिनतै तन्नै अपणी ए कसम खाकै यो कह्या था, ‘मै थारे वंश नै अकास के तारयां की तरियां घणा करुँगा, अर यो सारा देश जिसका मन्नै जिक्र करया सै थारे वंश नै दियुँगा, के वो उसके हकदार सदा बणे रहवैं।’" 14 फेर यहोवा अपणी प्रजा का नुकसान करण तै जो उसनै कह्या था पछताया।
32 फेर भी इब तू उनका पाप माफ कर न्ही तो अपणी लिक्खी होई किताब म्ह तै मेरा नाम नै भी काट दे।"