तीसरी विपत्ति कुटकियाँ के झुण्ड
16 फेर यहोवा नै मूसा तै कह्या, "हारुन नै हुकम दे, ‘तू अपणी लाठ्ठी बढ़ाकै धरती की धूळ पै मार, जिसतै वो धूळ मिस्र देश म्ह कुटकियाँ बण ज्यां।’" 17 अर उननै उस्से तरियां करया; यानिके हारुन नै लाठ्ठी तै हाथ बढ़ाकै धरती की धूळ पै मारया, फेर माणस अर पशु दोनुवां पै कुटकियाँ होगी बल्के सारे मिस्र देश म्ह धरती की धूळ कुटकियाँ बणगी। 18 पर जिब जादूगरां नै चाह्या के अपणे तंत्र-मंत्रां कै बल तै हम भी कुटकियाँ ले आवां, पर या बात उनतै न्ही हो सकी। अर माणसां अर डांगरां दोनुवां पै कुटकियाँ बणी ए रही। 19 फेर जादूगरां नै फिरौन तै कह्या, "यो तो परमेसवर कै हाथ का काम सै।" फेर भी यहोवा कै कहण कै मुताबिक फिरौन का मन कठोर होन्दा गया, अर उसनै मूसा अर हारुन की बात न्ही मान्नी।