4 उसके बेट्टे बारी-बारी तै एक दुसरे के घर म्ह खाण-पीण नै जाया करदे; अर अपणी तीन्नु भाणा नै अपणे गैल खाण-पीण खात्तर बुलावा भेज्या करदे। 5 अर जिब-जिब दावत के दिन पूरे हो जान्दे, जद-जद अय्यूब उननै बुलवाकै पवित्र करदा, अर सबेरै तावळा उठकै उनकी गिणती कै मुताबिक होमबलि चढ़ाया करै था; क्यूँके अय्यूब सोच्या करदा, "कदे मेरे बाळकां नै पाप करकै परमेसवर ताहीं छोड़ दिया हो।" इस्से तरियां अय्यूब हमेशा, करया करदा।
18 वो इब्बे यो कहण ए लाग रहया था, के एक और भी आकै कहण लाग्या, "तेरे बेट्टे-बेट्टी बड़े भाई के घर म्ह खाण अर दाखमधु पीण लागरे थे, 19 के जंगल की ओड़ तै घणी तेज हवा चाल्ली, अर घर के च्यांरु कुण्यां कै इसा झोंक्का मारया, के वो जवानां पै गिर पड़या अर वे मरगे; अर मै एक्ला ए बचकै तन्नै खबर देण नै आया सूं।"