5 मन्नै कान्नां तै तेरा समाचार सुण्या था,
पर इब मेरी आँख तन्नै देक्खै सै;
6 इस करकै मन्नै अपणे आप तै नफरत आवै सै,
अर मै धूळ अर राख म्ह पछतावा करुँ सूं।"
अय्यूब का घणी परीक्षा म्ह तै लिकड़णा
7 अर इसा होया के जिब यहोवा या बात अय्यूब तै कह चुक्या, फेर उसनै तेमानी एलीपज तै कह्या, "मेरा छो तेरे अर तेरे दोन्नु दोस्तां पै भड़क्या सै, क्यूँके जिसी ठीक बात मेरे दास अय्यूब नै मेरे बारे म्ह कही सैं, उस्से तरियां थमनै न्ही कही।