अय्यूब का घणी परीक्षा म्ह तै लिकड़णा
7 अर इसा होया के जिब यहोवा या बात अय्यूब तै कह चुक्या, फेर उसनै तेमानी एलीपज तै कह्या, "मेरा छो तेरे अर तेरे दोन्नु दोस्तां पै भड़क्या सै, क्यूँके जिसी ठीक बात मेरे दास अय्यूब नै मेरे बारे म्ह कही सैं, उस्से तरियां थमनै न्ही कही। 8 इस करकै इब थम सात बळध अर सात मिंढ़े छाँट कै मेरे दास अय्यूब कै धोरै जाकै अपणे खात्तर होमबलि चढ़ाओ, फेर मेरा दास अय्यूब थारे खात्तर प्रार्थना करैगा, क्यूँके उस्से की प्रार्थना नै मै कबूल करुँगा; अर न्ही, तो मै थारे तै थारी बेकूफी के हिसाब तै बरताव करुँगा, क्यूँके थमनै मेरे बारे म्ह मेरे दास अय्यूब जिसी ठीक बात न्ही कही।"