8 इस करकै इब थम सात बळध अर सात मिंढ़े छाँट कै मेरे दास अय्यूब कै धोरै जाकै अपणे खात्तर होमबलि चढ़ाओ, फेर मेरा दास अय्यूब थारे खात्तर प्रार्थना करैगा, क्यूँके उस्से की प्रार्थना नै मै कबूल करुँगा; अर न्ही, तो मै थारे तै थारी बेकूफी के हिसाब तै बरताव करुँगा, क्यूँके थमनै मेरे बारे म्ह मेरे दास अय्यूब जिसी ठीक बात न्ही कही।" 9 यो सुणकै तेमानी एलीपज, शूही बिल्दद अर नामाती सोपर नै जाकै यहोवा के हुकम कै मुताबिक करया, अर यहोवा नै अय्यूब की प्रार्थना कबूल करी।
10 जिब अय्यूब नै अपणे दोस्तां कै खात्तर प्रार्थना करी, फेर यहोवा नै उसका सारा दुख दूर करया, अर जितना अय्यूब का पैहले था, उसका दुगणा यहोवा नै उस ताहीं दे दिया।