होशे 3:1-3

इस्राएल के परमेसवर की और बोहड़ना

1 फेर यहोवा नै मेरे ताहीं कह्या, "इब जाकै एक इसी जनान्‍नी तै प्यार कर, जो व्यभिचारिणी होण पै भी अपणे प्यारे की प्यारी हो; क्यूँके उसे ढाळ फेर भी इस्राएली पराए देवत्यां की ओड़ फिरे, अर किशमिश की टिकिया तै प्यार राक्खैं सैं, फेर भी यहोवा उनतै प्यार राक्खै सै।"

2 फेर मन्‍नै एक जनान्‍नी ताहीं चाँदी के पन्द्रह टुकड़े अर डेढ़ होमेर जौ देकै मोल लिया। 3 मन्‍नै उसतै कह्या, "तू घणे दिन ताहीं मेरै खात्तर बैठी रहणा; अर ना तो ओछापण करणा, अर ना किसे माणस की जनान्‍नी होणा; अर मै भी तेरै खात्तर इसाए रहूँगा।"