11 हे यहोवा! महिमा, पराक्रम, शोभा, सामर्थ ते वैभव तेरूए। किजोकि अम्बरे ते धेरती पुड़ ज़ैन किछ आहे, तैन तेरूए। हे यहोवा! राज़ तेरूए, ते तू सेभन पुड़ प्रधान ते महान आस।29:11 प्रका. 5:12-13. 12 दौलत ते आदर तेरी तरफां मैलचे, ते तू सेभन पुड़ हुकूमत केरतस। ते तेरे हथ्थे मां कुदरत ते पराक्रम आहे, ते सब लोक बधाने ते शक्ति देनी तेरे हथ्थे मां आहे।
14 "पन अवं कुन आईं ते मेरे लोक कुन आन? कि असन इस तरीके एपनी इच्छाई सेइं तीं कां भेंट देनेरी शक्ति मैल्हे? तीं करां त सब किछ मैलते, ते असेईं तेरे हथ्थेरां मैलतां तीं दित्तोरूए। 15 तेरी नज़री मां अस त अपने सारे पूर्वजां केरे ज़ेरे बखले ते परदेशी अहम। धेरती पुड़ इश्शे दिहाड़े छावरे ज़ेरे बीती गातन, ते इश्शो कोई ठिकानो नईं।29:15 इब्रा. 11:13;भज. 39:12;114:4.