1 इतिहास 3

दाऊद राज़ेरी खानदानी

1 दाऊदेरां मट्ठां ज़ैना हेब्रोन नगरे मां तैस भोआं तैना इना आन: तैसेरू बड्डू मट्ठू अम्नोन ज़ैन यिज्रेल नगरेरे अहीनोअमी सेइं पैदा भोव, ते दूइयोवं दानिय्येल ज़ैन कर्मेल नगरेरे अबीगैली सेइं पैदा भोव। 2 ट्लेइयोवं अबशालोम ज़ैन गशूर नगरेरे राज़े तल्मैरी कुई माकारू मट्ठू थियूं, च़ेवरोवं अदोनिय्याह ज़ैन हग्गीतरू मट्ठू थियूं। 3 पंच़ोंव शपत्याह ज़ैन अबीतली सेइं पैदा भोवं, ते शेइयोवं यित्राम ज़ैन तैसेरी कौन्श एग्ला सेइं पैदा भोवं। 4 दाऊदेरां हेब्रोन नगरे मां शा मट्ठां पैदा भोआं, ते तैनी तैड़ी सड़े सत साल हुकूमत की। ते यरूशलेम नगरे मां तैनी 33 साल हुकूमत की। 5 यरूशलेम नगरे मां तैस इनां मट्ठां भोआं: शिमा, शोबाब, नातान ते सुलैमान, इनां च़ेवरे अम्मीएलेरी कुई बतशेबा सेइं पैदा भोआं। 6 बाकी मट्ठां इनां थियां, यिभार, एलीशामा एलीपेलेत, 7 नोगह, नेपेग, यापी, 8 एलीशामा, एल्यादा ते एलीपेलेत, इनां 9 मट्ठां थियां। 9 इनां सब दाऊदेरां मट्ठां थियां। ते इन केरे अलावा रखैलां केरां भी मट्ठां थियां, ते तैन केरि बेइन तामार थी।

सुलैमानेरू खानदान

10 फिरी सुलैमानेरू मट्ठू रहबाम थियूं; ते रहबामेरू मट्ठू अबिय्याह, अबिय्याहेरू आसा, आसारू यहोशापात, 11 यहोशापातेरू योराम, योरामेरू अहज्याह, अहज्याहेरू योआश; 12 ते योआशेरू अमस्याह, अमस्याहेरू अजर्याह, अजर्याहेरू योताम; 13 ते योतामेरू आहाज, आहाजेरू हिजकिय्याह, हिजकिय्याहेरू मनश्शे; 14 मनश्शेरू आमोन, आमोनेरू मट्ठू योशिय्याह थियूं।✝3:14 मत. 1:7-10. 15 ते योशिय्याहेरां मट्ठां इनां थियां: तैसेरू बड्डू मट्ठू योहानान, दूइयोवं यहोयाकीम; ट्लेइयोवं सिदकिय्याह, च़ेवरोवं शल्‍लूम। 16 यहोयाकीमेरू मट्ठू यकोन्याह, ते यकोन्याहेरू मट्ठू सिदकिय्याह थियूं।✝3:16 मत. 1:11. 17 ते यकोन्याह ज़ै बाबेले मां कैदी बनेइतां नेवरो थियो तैसेरां इनां मट्ठां थियां: शालतीएल,✝3:17 मत. 1:12;लूक. 3:27. 18 मल्कीराम, पदायाह, शेनस्सर, यकम्याह, होशामा ते नदब्याह। 19 ते पदायाहेरां मट्ठां जरुब्बाबेल ते शिमी थियां। ते जरुब्बाबेलेरां मट्ठां मशुल्‍लाम ते हनन्याह भोआं, ज़ैन केरि बेइन शलोमीत थी। 20 ते जरुब्बाबेलेरां पंच़ मट्ठां होरां भी थियां, हशूबा, ओहेल, बेरेक्याह, हसद्याह ते यूशब-हेसेद। 21 ते हनन्याहेरां मट्ठां पलत्याह ते यशायाह थियां। यशायाहेरू मट्ठू रपायाह, ते तैसेरू मट्ठू अर्नान, अर्नानोनेरू मट्ठू ओबद्याह, ते ओबद्याहेरू मट्ठू शकन्याह थियूं। 22 ते शकन्याहेरू मट्ठू शमायाह, ते शमायाहेरां मट्ठां हत्तूश ते यिगाल, बारीह, नार्याह ते शापात, इन शा शकन्याहेरे खानदाने मरां थिये। 23 ते नार्याहेरां ट्लाई मट्ठां इनां थियां, एल्योएनै, हिजकिय्याह ते अज्रीकाम। 24 ते एल्योएनैरां सत मट्ठां इनां थियां, होदव्याह, एल्याशीब, पलायाह, अक्‍कूब, योहानान, दलायाह ते अनानी।