1 आदमेरू मट्ठू शेत थियूं ते शेतेरू एनोश;* 2 एनोशेरू केनान, केनानेरू महललेल, महललेलेरू येरेद, 3 येरेदेरू हनोक, हनोकेरू मतूशेलह, मतूशेलहेरू लेमेक, 4 लेमेकेरू मट्ठू नूह थियूं। नूहेरां मट्ठां शेम, हाम ते येपेत थियां।✝

5 येपेतेरां मट्ठां इनां थियां: गोमेर, मागोग, मादै, यावान, तूबल, मेशेक ते तीरास। 6 गोमेरेरां मट्ठां इनां थियां: अश्कनज, दीपत ते तोगर्मा। 7 यावानेरां मट्ठां इनां थियां: एलीशा, तर्शीश, कित्ती ते रोदानी लोक।

8 हामेरां मट्ठां इनां थियां: कूश, मिस्र, पूत ते कनान। 9 कूशेरां मट्ठां इनां थियां: सबा, हवीला, सबता, रामाह ते सब्तका। रामाहेरां मट्ठां शेबा ते ददान थियां। 10 ते कूशेरू मट्ठू निम्रोद भी थियूं। धेरती पुड़ पेइलो बहादर निम्रोद भोव।✝

11 मिस्रेरां मट्ठां इना थियां, लूदी, अनामी, लहाबी, नप्तूही, 12 पत्रूसी, कसलूही (ज़ैन सेइं पलिश्ती पैदा भोए) ते कप्तोरी पैदा भोए।

13 कनाने सेइं तैसेरू बड्डू मट्ठू सीदोन ते हित्त, 14 ते यबूसी, एमोरी, गिर्गाशी, 15 हिब्बी, अर्की, सीनी, 16 अर्वदी, समारी ते हमाती लोक पैदा भोए।

17 शेमेरां मट्ठां इनां थियां: एलाम, अश्शूर, अर्पक्षद, लूद, अराम, ऊस, हूल, गेतेर ते मेशेक थियां। 18 ते अर्पक्षदे सेइं शेलह ते शेलहे सेइं एबेर पैदा भोव। 19 एबेरां दूई मट्ठां भोआं, एक्‍केरू नवं पेलेग एस वजाई सेइं रख्खू जेवं कि तैसेरे दिहाड़न मां दुनियारे लोक अलग-अलग भाषारे लोकन मां बेन्टोई जेई। ते तैसेरे निकड़े ढ्लाएरू नवं योक्तान थियूं। 20 ते योक्तानेरां मट्ठां इनां थियां: अल्मोदाद, शेलेप, हसर्मावेत, येरह, 21 हदोराम, ऊजाल, दिक्ला, 22 एबाल, अबीमाएल, शेबा, 23 ओपीर, हवीला ते योबाब। इन्ना सब योक्तानेरां मट्ठां भोआं।

24 शेमेरे खानदाने मरां इनां थिये: अर्पक्षद, शेलह, 25 एबेर, पेलेग, रू, 26 सरूग, नाहोर, तेरह, 27 अब्राम, ज़ैस जो अब्राहम भी ज़ोतन। 28 अब्राहमेरां मट्ठां इसहाक ते इश्माएल* थियां।

29 इश्माएलेरां मट्ठां इनां थियां: तैसेरू बड्डू मट्ठू नबायोत, फिरी केदार, अदबएल, मिबसाम, 30 मिश्मा, दूमा, मस्सा, हदद, तेमा, 31 यतूर, नापीश, केदमा।

32 कतूरा ज़ै अब्राहमेरी रखैल थी, तैसारां इनां मट्ठां थियां: जिम्रान, योक्षान, मदान, मिद्यान, यिशबाक ते शूह। योक्षानेरां मट्ठां शेबा ते ददान थियां। 33 ते मिद्यानेरां मट्ठां इनां थियां: एपा, एपेर, हनोक, अबीदा ते एल्दा, इना सब कतूरारे खानदाने मरां आन।

34 अब्राहमेरू मट्ठू इसहाक थियूं। इसहाकेरां मट्ठां एसाव ते इस्राएल थियां।✝ 35 एसावेरां मट्ठां इनां थियां: एलीपज, रूएल, यूश, यालाम ते कोरह। 36 एलीपजेरां इनां मट्ठां थियां: तेमान, ओमार, सपी, गाताम, कनज, तिम्ना ते अमालेक। 37 रूएलेरां मट्ठां इनां थियां: नहत, जेरह, शम्मा ते मिज्जा।

38 फिरी सेईरेरां मट्ठां इनां थियां: लोतान, शोबाल, सिबोन, अना, दीशोन, एसेर ते दीशान। 39 ते लोतानेरां मट्ठां इनां थियां: होरी ते होमाम, ते लोतानेरी बेइन तिम्ना थी। 40 शोबालेरां मट्ठां इनां थियां: अल्यान, मानहत, एबाल, शपी ते ओनाम। ते सिबोनेरां मट्ठां अय्या ते अना थियां। 41 अनारू मट्ठू दीशोन थियूं। ते दीशोनेरां मट्ठां हम्रान, एशबान, यित्रान ते करान थियां। 42 एसेरेरां मट्ठां बिल्हान, जावान ते याकान थियां। ते दीशानेरां मट्ठां ऊस ते अरान थियां।

43 ज़ैस वक्त कोन्ची भी राज़े इस्राएली लोकन पुड़ राज़ न थियूं कियोरू, तैस वक्त एदोम मुल्खे मां इना राज़े भोए: बोरेरू मट्ठे बेला दिन्हाबा नंव्वेरे राजधैनी मरां एदोमे पुड़ राज़ कियूं। 44 बेलारे मरनेरां बाद, बोस्राई जेरहेरू मट्ठू योबाब, तैसेरी ठैरी राज़ो बनो। 45 ते योबाबेरे मरनेरे बाद, तेमानी लोकां केरे मुल्खेरो राज़ो हूशाम तैसेरी ठैरी पुड़ राज़ो बनो। 46 फिरी हूशामेरे मरनेरे बाद, बददेरू मट्ठू हदद तैसेरी ठैरी पुड़ राज़ो बनू: ई तैए ज़ैनी मिद्यानी लोक मोआब मुल्खे मां मारे; ते तैनी अबीत नगरे मरां राज़ कियूं। 47 ते हददेरे मरनेरां बाद, मस्रेका नगरेरे सम्ला तैसेरे ठैरी पुड़ राज़ो बनो। 48 फिरी सम्लारे मरनेरां बाद शाऊल, ज़ै फरात दरियारे बन्ने पुड़ ज़ै रहोबोत नगरेरो थियो, तै तैसेरी ठैरी पुड़ राज़ो बनो। 49 ते शाऊलेरे मरनेरां बाद अकबोरेरू मट्ठू बाल्हानान तैसेरी ठैरी राज़ो बनू। 50 ते बाल्हानानेरे मरनेरां बाद, हदद तैसेरी ठैरी पुड़ राज़ो बनो; ते तैनी पाऊ नगरे मरां राज़ कियूं, ते तैसेरी कौन्शरू नवं महेतबेल थियूं ज़ै मेज़ाहाबेरी धिहोड़ी ते मत्रेदेरी कुई थी।

51 ते हदद मेरि जेव। फिरी एदोम मुल्खेरे अधिपति इनां थिये: तिम्ना, अल्वा, यतेत, 52 ओहोलीबामा, एला, पीनोन, 53 कनज, तेमान, मिबसार, 54 मग्दीएल, ईराम।