14 तैखन पतरस 11 प्रेरितन सेइं साथी खड़ो भोव, ते बड़े ज़ोरे सेइं ज़ोने लगो, "हे लोकव, हे यहूदियारे रानेबालव ते हे यरूशलेम नगरेरे राने बालाव, मेरी गल ध्याने सेइं शुना, अवं तुसन ज़ोताईं इड़ी एन कुन भोने लगोरूए। 15 ज़ैन तुस बुझ़ने लगोरेथ तैन नईं, एना मैन्हु नशे मां नईं, किजोकि हुन्ना त झ़ेझ़ेरे नौ बज़ोरेन, 16 बल्के ऐह तै गल्‍ले, ज़ै परमेशरे योएल नेबेरे ज़िरिये ज़ोवरी थी,

17 परमेशर ज़ोते कि, आखरी दिहैड़न मां एरू भोल्हु,

अवं अपनि आत्मा सेब्भी लोकन देइलो,

ते तुश्शां मट्ठां कुइयां भविष्यिवाणी केरेलां,

ते तुश्शे नौजुवान दर्शन हेरेले,

ते बुढे सुपना हेरेले।