13 एस्से वजाई सेइं परमेशरे नूहे सेइं ज़ोवं, "सब प्रैणी केरो खातमों केरनेरो सवाल मेरे सामने एवरोए; किजोकि तैन केरे वजाई सेइं धरती ज़ुलमे सेइं भेरोई जेवरीए, एल्हेरेलेइ अवं तैन्न धेरती सने नाश केरि छ़डेलो। 14 एल्हेरेलेइ तू गोपेर बुट्टेरे लेकड़रू अक ज़िहाज़ बना, तैस मां कमरे बनेइयां, ते अन्तर बेइर तैस पुड़ गारो लेइयां। 15 इस तरीके सेइं तू तैस बनेइयां: ज़िहाज़ेरी लम्बाई 300 हथ, चौड़ाई 50 हथ, ते ऊँचाई 30 हथ भोए। 16 ज़िहाज़े मां अक दारी बनेइयां, ते तैसेरे अक हथ बह तैसेरी छत बनेइयां, ते ज़िहाज़ेरे एक्‍की पासे अक दार रेखा, ते ज़िहाज़े मां पेइलो, दूइयोवं, ते ट्लेइयोवं हिस्सो बनेइयां।