8 फिरी परमेशरे नूह ते तैसेरे मट्ठन सेइं ज़ोवं, 9 "शुना, अवं तुसन सेइं ते तुश्शे बाद ज़ै तुश्शी खानदानी भोल्ही, तैस सेइं भी करार केरताईं; 10 ते सब ज़ींते प्रैणन सेइं भी ज़ैना तुसन सेइं साथी आन, कुन च़ुड़ोलू कुन पैलतू जानबर, कुन धेरतरे सब जंगली जानबर, धेरतरे ज़ेत्रे भी जीप जन्तू ज़िहाज़े मरां निसोरेन। 11 ते अवं तुसन सेइं अपनो ई करार केरताईं कि सब प्राणी फिरी पैनेरी हड़ैई सेइं नाश न भोल्हे, ते धेरतरो नाश केरनेरे लेई फिरी पैनेरी हड़ाई न एज्जेली।"