Hebreus 12

बाजी परमेशरेरे ज़िरिये हदैइत

1 एल्हेरेलेइ ज़ैखन गवाहां केरे एत्रो बड्डो घाने असां घेरोरेम, त अस भी सैरी रुकावटां ते तैस पापे दूर केरम ज़ै असन उलझाते, ते तैस दौड़ी ज़ै असेईं दौड़नीए बल्हे सेइं दौड़म। 2 एज्जा अस विश्वासे मां पवित्र केरनेबाले यीशु पुड़ नज़र रखम, ज़ैनी तैस आनन्देरे लेई ज़ै तैसेरे सामने थियो, बेइज़्ज़तरी परवाह न की, बल्के क्रूसेरो दुख झ़ैल्‍लो ते परमेशरेरे तखतेरे देइने पासे गेइतां बिश्शो।

3 तुस एस गल्‍ली पुड़ खियाल केरा, कि अपने खलाफत केरनेबाले ज़ैनी पैपी केरि तरफां केत्रो दुख झ़ैल्‍लो, ताके तुस बेदिल भोइतां हिम्मत न हारथ।