मत्ती 10

37 ज़ै कोई अम्मा या बाजी मीं करां जादे ट्लारे समझ़ते, तै मेरो चेलो बन्नेरे काबल नईं ते ज़ै कोई मट्ठे या कुइये मीं करां जादे समझ़ते, तै भी मेरो चेलो बन्नेरे काबल नईं। 38 ज़ै कोई मेरो चेलो भोनेरी वजाई सेइं दुख झ़ैल्‍लनेरे लेई त कने मरनेरे लेई तियार नईं, त तै भी मेरो चेलो बन्नेरे काबल नईं। 39 ज़ै कोई मरने करां बच़नेरे लेई मेरो इन्कार केरेलो, त तैन हमेशारी ज़िन्दगी न मैल्हेली। पन ज़ै मीं पुड़ विश्वास केरनेरे वजाई सेइं अपने जान देनेरे लेई भी तियार भोल्हो, त तैस हमेशारी ज़िन्दगी मैल्हेली।