मत्ती 24

मुसीबत ते दुख

3 ज़ैखन तै ज़ैतून पहाड़े पुड़ बिशोरो थियो, त तैसेरे चेले अलग ज़ेरे तैस कां एइतां तैस सेइं ज़ोने लग्गे, "असन ज़ो कि एन गल्‍लां केइस भोनिन? ते तेरे एजनेरो ते दुनियारो अन्त भोनेरो कुन निशान भोनोए?" 4 यीशुए तैन जुवाब दित्तो, "खबरदार राथ, कोई तुसन न टपलाए! 5 किजोकि बड़े मेरे नंव्वे सेइं एजनेन ते तैनेईं ज़ोनूए कि, ‘अवं मसीह आईं,’ ते तैनेईं बड़े लोक टपलानेन। 6 तुस लड़ाई ते लड़ैई केरि अफवाह शुनेले, खबरदार डेरथ नन्ना, किजोकि एन गल्‍लां ज़रूरी भोनिन, पन तैस वक्ते खातमों नईं भोनो।