37 ज़ेन्च़रे नूहेरे ज़माने मां भोरू थियूं, तेन्च़रे मैन्हेरे मट्ठेरे एजनेरे वक्ते भोनूए। 38 किजोकि हड़ाई एजने करां पेइले भी लोक खाते पीते थिये, ते ड्लाह भी बनाते थिये, ते नूहेरे किश्ती मां गाने तगर एन सब किछ भोतू रावं। 39 तैन पतो भी न थियो कि कुन भोनेबालूए, इड़ी तगर कि हड़ाई अव ते तैनी सब किछ रुड़ेइतां नेव, ते मैन्हेरे मट्ठेरू यानी मेरू एजनू भी एरू भोनूए। 40 तैखन ऊडारे मां दूई मैन्हु कम केरते भोल्हे ते अक नियो गालो, ते दूइयोवं तैड़ी रालो। 41 ते दूई कुआन्शां ढ्लाट पीती भोल्ही त अक नी गाली ते होरि तैड़ी राली।