नहेम्याह 2

17 पन ज़ैखन अवं वापस जेव, तैखन मीं तैन सेइं ज़ोवं, "तुसां त एप्पु हेरतथ कि असां केत्री बुरी हालती मां अहम, कि यरूशलेम नगर उज़ड़ी जेवरूए ते एसेरे फाटक फुकोरेन। त एज्जा असां यरूशलेम ते एसेरी शहरपनाहरी मरम्मत केरम, ताके एजने बाले वक्ते मां इश्शी बदनामी न राए।" 18 फिरी मीं तैन सेइं ज़ोवं, कि मेरे परमेशरेरी सिद्धी नज़र मीं पुड़ केन्च़रे भोइ ते राज़े मीं सेइं कुन-कुन गल्‍लां ज़ोवरी थी, तैखन तैनेईं ज़ोवं, "एज्जा असां हिम्मती सेइं मरम्मतरू कम केरम।" ते तैनेईं एस भले कम केरनेरे लेई हिम्मत की।