1 Aestã easti a treia oarã tsi yin la voi. "Cathi zbor va s-alihipseascã dit gura a doi icã trei martiri."✝13:1 Deut 17:6; 19:15. 2 Am dzãsã di ma nãinti, cãndu fui ningã voi di a doaua oarã sh-tora tsi nu escu ningã voi, ma lã dzãc sh-atsilor cai au amãrtisitã di ma nãinti, sh-a tutulor alãntor, cã ma s-yin dinou, nu va nji yinea arãu di vãrã. 3 Voi cãftats unã provã cã Hristolu zburashti cu mini. Elu nu easti slab cãtrã voi, ma easti vãrtos namisa di voi. 4 Cã, cu tutã cã fu crutsisit di slãbintsã, elu bãneadzã prit putearea al Dumnidzãu. Ashãtsi sh-noi him slaghi tu nãsu, va bãnãm deadun cu nãsu prit putearea a Dumnidzãlui cãtrã voi. 5 Sitãxits-vã tra s-videts macã hits tu pisti, bãgats-vã tu provã! Ama nu vã-aduchits cã Isus Hristolu easti tu voi! Nafoarã macã hits chiruts tu provã. 6 Nãdãescu cã va aduchits, cã noi nu him chiruts tu provã. 7 Tora noi nã rugãm a Dumnidzãlui tsi voi s-nu fãtsets vãrã arãu, nu tsi noi s-nã videm ca aprovats, ma tsi voi s-fãtsets ma buna, iarã noi s-him ca ni-aprovats. 8 Cã noi nu putem s-fãtsem tsiva contra a alihiljei, ma mash trã alihea. 9 Cã noi nã hãrsim cãntsido tsi noi him nipututsi, iarã voi hits vãrtoshi. Noi nã rugãm tsi voi s-hits vãrtoshi. 10 Trã atsea vã scriu aesti, ni hinda atsia, tsi cãndu s-hiu nãintea a voastrã, s-nu mi aspun cu aspru, ufilisinda autoritatea tsi Domnul nji deadi ti ndridzeari voi, nu ti dãrãmari.

11 Tu soni, frats sh-surãri, hãrsits-vã, ndriptats-vã, inimusits-vã, minduits idyiul lucru, bãnats tu pace sh-Dumnidzãlu a vreariljei sh-a paciljei va hibã cu voi. 12 Salutats-vã cu un-alantu cu unã bãshari sãmtã. 13 Tuts oaminjlji a Dumnidzãlui vã saluteadzã. 14 Harul a Domnului Isus Hristos, vrearea a Dumnidzãlui, sh-unitatea a Duhlui Sãmtu s-hibã cu voi tuts!