1 Dumnidzãlu lã zburã di cu ntãnjea a strãushilor a noshtri di multi ori sh-tu multi soi prit prufitsilji. 2 Tu dzãlili di soni nã grãi prit Hiljiu, cai l-bãgã mushtinitor a tuti lucrilor sh-prit nãsu adrã tutã dunjeaua. 3 Hiljilu hinda strãlutsirea a mãririljei sh-urma a hintsãljei a Dumnidzãlui, tsãni tuti aesti prit fuchia a zborlui a lui. Cum featsi spãstrirea a amãrtiilor, elu shidzu tu nandreapta a Mãreatsiljei tu anãltsãnji.