Ioan 20

19 Deapoea tu seara a dzuãljei atsiljei, tsi eara prota a stãmãnãljei, sh-cara ushili a loclui iu eara adunats ucenitsilji, eara ncljisi cã avea fricã di mãrlji a Iudeilor. Isusul vini, stãtu tu mesea a lor sh-lã-dzãsi, "Pacea cu voi!" 20 Sh-cum lã dzãsi aesti, lã spusi a lor mãnjili sh-coasta. Ucenitsilji cãndu vidzurã Domnul, s-hãrsirã multu. 21 Deapoea Isusul lã dzãsi a-lor nãpoi, "Pacea cu voi! Ashã cum mi ari pitricut mini Tatãl, ashã mini ma vã pitrec voi." 22 Dupã tsi dzãsi aesti, suflã pristi nãshi sh-lã dzãsi, "Loats Duhlu Sãmtu! 23 Atsilor tsi va lã li ljirtats amãrtiili, va lã hibã ljirtati, a cui va lã li tsãnets amãrtiili, atsilui va lã hibã tsinuti."