Vakolosai 1

Ukomi va Kilisito

15 Kilisito ndi muwano va Nguluvi yeseiwoneka na mubabwa va kwanja va fiwumbe fyonda. 16 Kwa kuchumbila mwene, finu fyonda fikawumbilwe fyefigehe kuluhano na fyefigehe mu inyi, fila fyefiwoneka na fila sefiwoneka na vangachale na vevagehe na umwimike na utavala, finu fyonda fikawumbilwe na mwene kwakuva lyake. 17 Kilisito akali suwe pefyave finu fyonda kuvecha na kwiwunga na mwene kila kinu kikavechile pono lyake. 18 Mwene ndi mtuwe va muvili, yani ndi lipinga lya vanu vamwidikiye Kilisito, mwene ndi uvangilo va wumi va ugo mvili. Mwene ndi uvangilo, mubabwa va kwanja yeachulubuchwe kuhuma kwa vanu vevafue, neke aveche va kwanja mufinu fyonda. 19 Kwakuva ikamkelesa Nguluvi kuva ndeni peagehe Nguluvi, suwe, unguluvi vake uveche mugati lya Kilisito. 20 Kuchumbila Yesu, finu fyonda fikanjengakaya na Nguluvi, kwa danda lyake mkipindilihicho akagitile lutengamaso na finu fyonda muinyi na kuluhano.