1 Epi li te mennen m retounen nan ✝47:1 Éz 41:2pòt kay la; epi gade byen dlo t ap koule soti anba papòt kay la vè lès, paske kay la te bay fas vè lès. Epi dlo a t ap koule soti pa anba, soti akote dwat kay la, soti kote sid lotèl la. 2 Li te mennen mwen deyò pa chemen pòtay nò a, epi te mennen m ozanviwon pa deyò rive nan pòtay eksteryè a, pa chemen pòtay ki bay fas vè lès la. Epi gade byen, dlo t ap koule soti nan kote sid la.

3 Lè mesye a te sòti deyò vè lès ak yon kòd mezi nan men l, li te mezire mil koude, e li te mennen m pase nan dlo a, dlo ki te rive nan cheviy pye l yo. 4 Ankò, li te mezire mil koude e li te mennen m pase nan dlo ki rive jis nan jenou yo. Ankò, li te mezire mil koude, e li te mennen m pase nan dlo ki rive nan senti a. 5 Ankò, li te mezire mil koude; epi yon rivyè ke m pa t ka travèse, paske dlo a te vin leve, te gen ase dlo naje ladann, yon ✝47:5 És 11:9rivyè ki pa t ka janbe sou pye.

6 Li te di m: "Fis a lòm, èske ou ✝47:6 Éz 8:6wè sa a?" Konsa, li te mennen m retounen rive arebò rivyè a. 7 Alò, lè m te retounen, gade byen, akote rivyè a, te gen anpil ✝47:7 És 60:13-21pyebwa nan yon kote yo ak nan lòt la. 8 Li te di mwen: "Dlo sila yo sòti nan rejyon lès pou desann rive nan ✝47:8 Det 3:17dezè a. Depi la, yo kontinye vè lanmè, menm antre nan lanmè. Lanmè a ap soti, e dlo lanmè yo va geri. 9 Li va vin rive ke tout kreyati vivan ki naje tout kote ke rivyè a ale, yo va viv. Konsa, va genyen anpil pwason, paske dlo sa yo ale la e dlo lanmè yo va geri. ✝47:9 És 12:3Tout bagay va viv nenpòt kote rivyè a ale. 10 Epi li va vin rive ke ✝47:10 Mat 4:19mesye lapèch yo va kanpe akote li. Soti En-Guédi jis rive En-Églaïm, va gen kote pou ouvri filè yo. Pwason pa yo va selon espès pa yo, tankou pwason Gwo Lanmè a, anpil, anpil. 11 Men marekaj li yo ak fòs li yo p ap geri; yo va rete ✝47:11 Det 29:23sale. 12 Akote rivyè a, arebò li, soti yon kote a yon lòt, va grandi tout pyebwa ki bay manje. Fèy yo p ap fennen e fwi yo p ap manke. Yo va donnen chak mwa akoz dlo yo koule soti nan sanktiyè a, fwi pa yo va pou manje e ✝47:12 Rev 22:2fèy yo va pou gerizon."

13 Konsa pale Senyè BONDYE a: "Sa va sèvi kon ✝47:13 Nonb 34:2-12lizyè ak sila nou va divize peyi a kon eritaj pami douz tribi Israël yo. Joseph va gen de pòsyon. 14 Nou va divize li kon eritaj, chak egal ak lòt; paske Mwen te ✝47:14 Det 1:8sèmante pou bay li a papa zansèt nou yo, e peyi sa a va tonbe a nou menm kon eritaj.

15 "Sa se ✝47:15 Nonb 34:7-9lizyè peyi a: nan kote nò, soti nan Gwo Lanmè a, pa chemen Hethlon, jis rive nan antre a Tsedad; 16 ✝47:16 Nonb 13:21Hamath, Bérotha, Sibraïm, ki antre lizyè Damas ak lizyè Hamath; Hatzer-Hatthicon, kote lizyè Havran nan. 17 Lizyè a va rive soti nan lanmè a ✝47:17 Nonb 34:9Hatsar-Énon nan lizyè Damas e nan rejyon nò, vè nò, se lizyè Hamath la. Sa se fwontyè nan kote nò a."

18 "Nan kote ✝47:18 Nonb 34:10-12lès la, soti nan antre Havran, Damas Galaad ak peyi Israël, se va Larivyè Jourdain an; soti nan lizyè nò a jis rive nan lanmè lès la, ou va mezire li. Sa se kote lès la."

19 "Nan kote sid la, vè sid li va soti Thamar jis rive nan dlo ✝47:19 Det 32:51Meriba-Kadès, pou rive nan flèv Égypte la ak nan Gwo Lanmè a. Sa se kote sid la, vè sid."

20 "Nan kote ✝47:20 Nonb 34:6lwès la, se va Gwo Lanmè a, soti nan lizyè sid la pou rive nan yon pwent anfas Lebo-Hamath. Sa se kote lwès la."

21 "Konsa nou va pataje peyi sa pami nou menm selon trib Israël yo. 22 Ou va divize li pa tiraj osò kon eritaj pami nou menm e pami letranje ki rete nan mitan nou yo, ki fè fis nan mitan nou yo. Epi yo va pou nou tankou moun peyi natal, pami fis Israël yo; yo va resevwa yon ✝47:22 Trav 11:18eritaj avèk nou pami tribi Israël yo. 23 Epi nan tribi kote etranje a rete a, se la ou va bay li eritaj li," deklare Senyè BONDYE a.