3 Bibi riwa a he, isro riwa wa sro se ri se a he ritu no he taka ti nji ritu meme ti mba. 4 Ritu iyii buu lando nga wa yawo ran ri ban meme ti zho ran. 5 Ritu rimba, riwa Kristo a ran wa ran ye rimi mgbumgblume, a la Izhi ri: <<Wu ran ri wa Ti Baan imba de ran, ama wu milan kpa ti dzi ri mo. 6 ITi Baan ri gon wa nɨma ri tenti ritu ka meme ti rega ran ri sii-u sron ran. 7 Ngha me tre ri, <Ingye ame-e, Izhi, me ye me ri ti kya riwa wu wa, bibi riwa a he rimi ngan ritu won rimi Doka.>>> 8 Ri mimilan a tre ri, <<Wa Ti Baan nga wa de nga Ti Baan riwa wa vanghon ri tu tenti nga wa Ti Baan riwa ari ban meme ti rega a ran ri si-u sron ran.>> A tre nganyi ritu ko ri riwa wa Ti Baan wanyi wa sro wa bibi riwa Doka Musa a tre nye. 9 Imba ka tre ri,<< Izhi ingye ngaa ame-e, me ye riwa me ti kya riwa wu wa.>>Imba Izhi ka ban Ti Baan ri kimo zho ran ka Ti Baan riwa Kristo ri bubu riwa wa he. 10 Ritu Yeso Kristo a ti kya riwa Izhi a wa no ti, wa tsrii ta ri wawu ri rimi meme ti ri ide riwa a de kpa ngawan kyuwan ri nkpu riri meron.
Publicidade