1 Ritu nganyi a he riwa ki ka sron mba ri kyawa wawa ki wo ritu no wa ran gyuru ta ki ka nkon don ran. 2 Indu riwa wa ti wa miri ko Izhi ri wa titimbu ye ri ta a fe ta, nji riwa a kawan ri wo-u ko ka a ran tindu riwu ran a fe yaa riwa a tsra ri kawo wan. 3 Ko ki tise kiri fe nchon kpachuwo inde ki ka nchon kpachuwo la wa? Wawa wa wo tre wan wa la ta ri a he kpunji nye. 4 Ngha wawu Izhi nye riwa a la tre wan sron ngan ritu riwa wa la-a ri bibi kyawa no wa don to kyawa wa sisiri kankankan ri ide riwa wu ga dzu riwo wu Tsitsri bibi riwa a ka dzi.

5 Gran riwa ari ye nyi riwa ki tre ri tu wan zizan a ran he miriko Izhi nye Izhi son ri kpanchi son wan ran. 6 Ri ngamba no njo no la ri bubu ri riwa wa ngan tre Izhi ri:

<<Inji he ngye a wu Izhi hari riwa wu yo rimi rimɨren wen nji he ngye riwa wu mɨlan-u ya nganyi?

7 Wu yo rimi rinkon riwa a nghɨren wa miriko wen;

rimi vi tsawen wu nye-u ri mkpen ri rinkon.>>

8 Ngha wu ka ko ngye dzi ri ndoza gbengbren wan.<<

A tre ri Izhi ka kongye dzi ri wo nji ikyari ran he riwa Izhi ran hon no nji gbengbren ritu wan ran ko zizan ki ran ri to bibi ri to bibi ri wa nji ri ngɨzhi kpanchi son ritu wa kyawa. 9 Ama ikya riwa ki to nye he Yeso riwa rimi vi tsawen wa yo ri kpanchi riwa a nghɨren wa miri ko Izhi zizan wa nye-u ri mkpen ri rinkon ritu riwa a so yaa riwa kuu ritu wanji wawu ritu ndindi ti Izhi. 10 Izhi nye ti ko ngye, wawu nye ri ya ko ngye. Ritu nganyi inde Izhi ri ngizhi miri wan kigbu ye no wa fe mkpen a bi riwa ari no rinkon riwa ari kpachuwo nga mkpen. Ritu Yeso nye ngizhi kpachuwo ye ri nji.

11 A tsiri nji ri meme ti mba,nga wawa wa tsiri wa wawu mba wari he ri ti riri. Ritu wan nye Yeso ran ri ti shan riwa ari yo wa ri wa miri vayi wan ran. 12 A tre ri Izhi ri:

<<Me yo sron won ri Izhi;

Me gbre nde wen ri kusi nji.>>

13 A bru tre ri, <<Me yo sron ri Izhi.>>Ran bru tre ri,<<Ingye ame nga miri ri wa Izhi no wen wa-en.>>

14 Ritu nganyi, imiri nji wanyi wa he inɨma mba yii, no he riri riwa rimi kpa. Yeso a ti nganyi ritu kuu wan riwa ari wuu nji riwa a he ri mgemgbren kuu ri wo wan wa to meme nji, 15 nga ngamba nye ran sii nji wawa wa klu kuu lo wa hari sisiri nyi kɨma wa ti gran ri son mba. 16 Aran he miri ko wan nye ari dzon wa ran, ama igɨzhi Ibrahi nye ari dzon wa. 17 Ritu wan nye wa kɨma-u ti ka miri vayi wan ko ri nkon ritan, ritu ran he rinkon wa Ti Baan, riwa wa kpa nyime ri wu nga ri riwa ari ka nchi nji rimi ndu wan ri Izhi. Ri ngamba nye ri no zhi ri ka meme ti wa nji chuwo riwa. 18 Ngha zizan ari dzon wawa wa tsra wa, ritu wawu kyuwan wa tsra-u nga ran so yaa.