1 Ri sen Izhi a tre ri wati wa nji Yahuda rimi nkon nkankan kan nga ri vi nkankankan dzu ri nyu wa la tre Izhi. 2 Ama ri vi ri krenkpen wan nyi a tre ri ta dzu ri vren wan. Dzu riwo vren-a nye Izhi ti kongye wawu nye wa chu ritu no kongye no he wa ma. 3 Ivren wan nye he kpan ri mkpen riwa Izhi kpunji bibi riwa Izhi he wa tsra mba Izhi a ngizhi ko ngye ritu tre riwa a he ri gbengbren kugon riwa a tsri ta zho rimi meme ti mbu ran son ri kuwori wan riwa a he ri mkpen wawu.

4 Ri ngamba nye a fe rinkon riwa a han wa miri ko Izhi bibi nde riwa wa no a han iwawu. 5 Ritu wa miri ko Izhi ri ran he riwa Izhi ya-u zari ri,<<Wu he vren won nye riwa me he ti wen>>

Ko ka njo riwa wa tre ri wu ri,<<Me he ti wan wawu ri he vren won.>>

6 Ama riwa a hi ran ti vren wan ri gbuchi rimi mgbumgblume a tre ri,<<No wa miri ko Izhi wawu no wa no mkpen.>>

7 Ingye kya riwa Izhi a tre ritu miri ko ri,<<Izhi ri ye ka kɨma wa miri ko wan ti ka nyunguu, nga wa ndu wan wa he ka irɨme wulu.>>

8 Ama Izhi a tre ritu vren wan ri,

<<Kpanchi son wen a wu Izhi a ran kre ran!

Dindi ti nye he kpala ri wa wu son ri kpanchi wen ri wu.

9 Indu ndindi nye wu wa meme ti wu kawen riwu iwawu!

Ritu ngamba Izhi wan riwa a gban wu ri nye ri kinklan sron nga a no-u mkpen han wa kpan wen.>>

10 A tre ri:

<<Zhu ri mimɨlan wan A wu Bachi a wu nye wu dzi nchi gbungblume nga ishu wa he wo ndu wen nye.

11 Wa kre ama a wu wu he wa ku nchon ka itsro 12 Wu nye wa ka ŋɨma tsro wa sran wa bibi riwa wa sran tsro ri llo ama a wu wuran ri sran ran wa se wen wa ran kre ran.>>

13 Izhi a ran tre ri miri ko wan dzari ri,

<<Kuson ri bubu mkpen kuwori won no wen me no wa kpan fu

wen dzi ri ndodza wen wuri chan wa ri dza ran.>>

14 Kpunji wan wa miri ko Izhi wawu wa hu wu wa ndu nye Izhi ri ye ti wa ndu no wa dzon wawa wa fe kpa chuwo riwa Izhi.