1 Wa ye waka chu nchon nji ri ndu Izhi ri mi miri vayi wan nye ritu no ti ndu ri Izhi ri nyu mgbron nji wawu nye ri ti baan ritu meme ti. 2 Tu riwa wawu ri tu wan a he ri ku nyiren ari to hu ri rimi zren mba. 3 Ritu ku nyiren wan-a a he riwa no no Ti Baan a ran meme ti wa nji ri kankshe ran ama ritu meme ti wan ngawen. 4 Injo ran he riwa ari chu ndu riwa a bi nyi kyuwan nji ri to he nchon rinkon nji ri ndu Izhi inde Izhi yo wu bibi riwa wa yo Aruna.

5 Nghamba nye Kristo ran no ngawan mkpen riwa a he nchon nji ri Ti Baan ran ritu ngamba nye Izhi tre riwu ri,

<<Wu he vren won ruwa me he ti wen.>> 6 A bru tre ri w; Izhi ri ri,

<<Wu he nji ri Ti Baan hi ri kre wan ritu bibi tre riwa Maikizedek.>>

7 Ri wa Yeso a he ri gbungblume, a bre Izhi ri wa bre ri yii ri bran ri ima si ran bre Izhi ri wa ari to kpa chuwo rimi kuu. Ritu wawu he nji ri wo tre nye rimi sisiri Izhi Izhi a kpa ibrewan. 8 Ko riwa Yeso he vren Izhi nye a fe tsro ri wo tre ri nkon yaa riwa a so. 9 Kugon riwa a mɨlason, ran he nchi son riwa kpa chuwo riwa a ran kre ran ri wawa wa wo tre wan. 10 Ritu nganyi nye Izhi a nye-u no he nchon nji riwa ari Ti Baan ritu tre Makizedek.

11 Ki he ri kyawa kigbu riwa ki wa ki ri la ritu tre nyi ama a he ri yaa riwa ki ghɨren ri yi ritu riwa bi ran ri chichi to ran. 12 Zizan nganyi a he riwa biyi bi ri he wa tsro ama yi zizan bi wa no njo no bru tsro yi sro riwa a he hwɨri dzu ri tre Izhi bi ran tsra riwa bi ri ri riwa a senkpa rina tse ima sisan nkankshe. 13 Inji riwa sisan nye he ri wan a he vren ŋenŋen nye a ran to kya ri ritu tsro riwa a tsra ri na. 14 Ama iri riwa a senkpa a he riwa wawa wa gbron wanyi wa wawa wa mima rimi tindu ri rimɨren mba bla vi hari wa to meme nga ndindi ti nkan.