1 Ritu nganyi, no ta ki ran hi kusi ri tsro ri gbuchi riwa ki kpa ritu Kristo, riwa ki he wawa ki ti kya kre-kre. No ran he ri hari zizan ki dzi nchi ri tsro ritu ikpanyime ri Izhi, nga ri ka meme ti chuwo ri bi wa kyawa riwa wa ngɨzhi nji hi zhu ri kuu; 2 ri tsro ritu son nji tu ri ima, nga ri yo wo ri ndindi ti, nga riwa tashime ri kuu, nga bla tre ri chachu kre vi. 3 No ta ki ban kusi! Nga ingye kya riwa ki ti-en, inde Izhi nyɨme.

4 Wawa wa kɨma gon ti kpanyime mba,a ran he riwa wa bru tre ri no wa ka meme ti mba chuwo ngaran. Wanyi wa ngɨzhi wa ye dzari rimi kpan riwa Izhi,wa fe wa nde bibi riwa shu, wa fe robo mba rimi Yuu Tsitsri; 5 wa bre ro tre Izhi nga gbengbren nzan riwa ari ye-a. 6 Ri ngamba, wa kɨma gon ti kpanyɨme mba! Aran he riwa wa bru tre iri no wa bru tre ri wawa wa ka meme ti mba chuwo ngaran, ritu wa bru kpa vren Izhi nye, wa no shan ri kusi nji.

7 Meme riwa ari so ima wulu riwa ari ku bla mbɨre, ari zhu mbe wawa wa de wulo ri wawa wa ron-u, rinyi nye he meme riwa ari kpa ndindi ri ri Izhi.

8 Ama inde meme ri zhu ri nchon nga meme giga, a ran bi ran nye mba. Meme nyi Izhi ti hure riwa ari la nyu ri wu. Ri kre wan ari gon wu ri wulu.

9 Ama imiri vayi won, ko riwa ki tre bibi tre nyi, ki ran hon he ri nyɨme ri biyi bi kpa ndindi riwa a bi han wawa wa he ikpachuwo mbi. 10 Izhi ran he nji meme ran, a ran ka wa ndu mbi riwa bi ti chuwo ran, nga nyɨme riwa bi tsro-u ri vi riwa bi dzon wa hu Izhi ran, bibi riwa bi ri ye zizan 11 Ki wa no yi wawu mbi sonndu senmima ngambi hi ri vi ri kre wan, ritu bi ri fe kyawa wanyi riwa bi yo sron rimi mba. 12 Ran he wa sankon ran, ama ti bibi wawa wa kpanyɨme, kpa kya riwa Izhi katredzi iri wawu ri ti ri wa.

13 Ri vi riwa Izhi a katredzi ri Ibrahi, a katre dzi ri shizhi. A zhizhi ri ngawan ritu riwa injo ran tsra ri wawu Izhi riwa Izhi a shizhi ri wu ran. 14 Izhi a tre ri<<Me kadzi ri sron won ri me yo wo ndindi ri yi, nga me no wa gɨzhi mbi no wa kigbu bran.>> 15 Kugon riwa Ibrahi a vu sron bran bran, imba ka kpa kya riwa Izhi a ran katredzi ri wu-a. 16 Inji wa ye waka shizhi ri nji riwa a han wawa ri mkpen. Ishizhi ri tsro tre riwa Izhi kadzi dzu ri wo kya riwa ari dzu janyu. 17 Ritu Izhi a wa ran tsro wawa wa ri gado katre wan dzi riwa iti sisiri ran he rimi wan ran, isron wan riwa a ran ri sran-u ran, tse itre wan riwa kadzi-a dzu ri shizhi. 18 Izhi a ti nganyi, ritu kyawa hari wanyi wawa wa ran ri sran wa ran, riwa Izhi ran ri hon nyɨme ri wa ran. Rinyi riwa a he kya riwa a ri fen ta ton, kita wawa ki wulutsu hi ri bubu riwa ki fe kpachuwo, a bi no ta ki yo sron rimi kya riwa ki ngɨzhi-u ri mgbemgben. 19 Iyo sron mbu nyi wawu nye ri kɨri rimi sron mbu riwa ki ran ti sisiri ka i hon yo sron ran. Wawu nye ri gra ri mimi mu, hi kugon nghima tsro rimi tra Izhi ri shu. 20 Yeso wawu nye he ri gbuchi riwa a gra ri bubu nyi ritu mbu, a he nji rinkon ri ndu Izhi ri hi ri kre wan bibi tre riwa Makizedek a tre.