1 Itu tre mbu iwawu he ri ki he ri rinkon nji ri Ti Baan riwa ari son kuwori kpanchison nji ri mkpen ri shu mu. 2 Wawu rinkon nji ri Ti Baan nyi ri ti ndu ri Tsitsri Bubu riwa a he bubu son zhi riwa Bachi ri tu wan nye ka wu dzi a ran he nji ran. 3 Waye wa ka nyee ko rinkon nji ri Ti Baan ritu riwa ari de ide riwa wa de ri Ti Baan. Nghamba nye a bi riwa rinkon nji ri Ti Baan ri wambu no he ri kya riwa ari ka de. 4 Wari tre ri a he ri mgbumgblume nye ran ran he nji ri Ti Baan ran ko tsa, ritu nji wa sro wa ran he riwa wana de ide ritu baan riwa wa wa yo, wa Ti Baan wari wa de ide mba bibi riwa doka Musa. 5 Wa Ti Baan wa ye waka Ti Baan ri bubu riwa a he ri Tsitsri riwa a zhu nga bibi riwa a he ri shu. A he ri vi riwa Musa a hi ran ti bru riwa Izhi ri son, wa ŋoron ri, <<To ri wu milan ko ngye ti no zhu kya riwa wa tsro-u ri no ti ritu tita.>> 6 Ama zizan wa no Yeso ndu Ti Baan riwa a bi han bibi riwa ikatre dzi, riwa Yeso ka-u dzi ri tsutsu wa nji riwa a bi han. Ika tre dzi nyi riwa a bi han a bi ritu riwa wa ti-u ri bubu riwa wa bi han. 7 Wari tre ri ika tre dzi ri gbuchi, ran ku nyiren ran, wari ran wa riwa a ka hu ran. 8 Ama Izhi a to meme ti mba riwa a tre ri, <<Bachi tre ri, ivi ri ye, riwa me milan ka tre dzi ri sisa ti ri wa nji Israila nga wa nji Yahuda. 9 Rinyi ran he ka ikatre dzi riwa me ti ri wa titimba ran, ri vi riwa me vu wa me ri hu riwa zhu ri meme Masara. Ritu riwa wana kpa nyime ri ika tre dzi won ran imba me ka wa chuwo, Bachi a tre. 10 Ngye ika tre dzi riwa me ti ri wanji Israila kugon vi nyi een, Bachi a tre, me yo baan won rimi sron mba, me ngaan wa dzi ri sron mba. Me he Izhi mba, wawa wa he wa nji won. 11 Wa ran wa wari tsro ngamba ran, ko ka no ri no tre ri vayi wan ri <To Bachi,> Ritu wawumba wa to wen, zhu ri tsitsa mba hi ri rinkon mba. 12 Me ka meme ti mba chuwo ri wa, me ran bru taka meme ti mba ran.>> 13 Riwa Izhi a tre nganyi ritu ka tre dzi ri sisa, a kɨma ri gbuchi ti ri kimo nye mba; nga ko ngye riwa a he ri sen, riwa ari kunchon, a ran ri wu vi ran, ari kado.