ROM ROM-BUU 13

No Wa Kpanchi Mkpen

1 Konga no hu tre wa rinkon meme gbu, ritu wa rinkon meme gbu wa ran he ran Izhi ran no wa no wa he ran, nga Izhi nye ka wa dzi ri bubu wan. 2 Inji riwa a ran hu tre wa rinkon meme gbu ran a kawan ri hu kya riwa Izhi tre; nga nji riwa a ti ngamba, ari ngɨzhi bla tre Izhi ye ri ngawan. 3 Wawa wa ti ndindi ti wa ran ti sisiri wa kpanchi ran, ama wawa wa ti meme ti wa ti sisiri mba. Wu wa wuri ran ti sisiri wawa wa ri kpanchi ran? Ngamba wu ka ti kya riwa a bi nga wa gbre yi, 4 ritu wa he wa ndu Izhi wari ri ti ndu ritu mbi. Ama i bi ti meme ti wuka ti sisiri mba, ritu wa he ri gbengbren ri de yaa. Wa he wa ndu Izhi nga wa he ri gbengbren Izhi riwa wa no wawa wa ti meme ti yaa. 5 Ritu nganyi bi hu tre wa kpanchi, a ran ritu yaa Izhi kakre ran, ama ritu rimiren. 6 Ritu ngamba nye ngawen bi han nkren ri meme, ritu wa kpanchi wa ti ndu ri Izhi nye ka wa kre ndu mba. 7 Han wa, ikya riwa wa hu-u; han wa nkren ri meme riwa wa kpi wen, he ri rere nga bi ri no wa nkpen wawu.