3 Inde ki ban ntan ki son ŋɨma ri nyu ari nyɨme ran ti kya riwa ki yo no ti, ari hi bubu riwa ki wa no hi. 4 Ya nvu ima riwa a he kpankpanfi, ama gungu ri senkpa ri truu nga wato kɨma-u ri vi krefi riwa a he tsawen gyen. 5 Nghamba nye irɨme he, kpunji a he fiwen gyen rimi kpa ama ari kpon ngawan! nga bi ri ya vi klawulu riwa a he krenkyen wen ama ari gon nchon ji riwa a ban kpata. 6 Irɨme ngawen he wulu! wawu nye he vi kya riwa a he fiwen rimi wa gbrekpa mbu, wawu nye ri yo kpa mbu ri ti meme ti, ari kpa kpa wawu time, ari gyuru sron ka ti fu, kuma wawu iko wulu nye ri gyuru wu. 7 Wa nɨma kankankan, wa chenchen, wawa wa gban ri mme, wawa wa he rimi ima nji ri to ngɨzhi wa, ama irɨme han gbengbren nji. 8 Injo ran he riwa ari to ti ri rɨme ran. Irɨme he kya riwa a ran ri son viri ri meme ti ran, a he ka ntson riwa ari wuu nji.