1 Ri tra Izhi riwa a he ri Antakiya nji wa la tre Izhi wa nga wa tsro, wato Banaba, ri sima riwa wa yo ri shnji, ri lukiyas nji ri kurane, ri manayan riwa wa shou mba chu Hiridus, nga Shawulu. 2 Riwa wa kɨbu mgbazhu ri Izhi, wana vu nyu. Iyu ri Tsitsri ka tre, <<Ka wa Banaba mba shawulu zi mo ri gran ritu ndu riwa meyo wa nowa ti.>> 3 Kugon riwa wa vunyu, wari bre Izhi, waka sawo wa ritu, wari selemimba.

4 Wa Banaba mba Shawulu Tsitsri Yuu a ti wandu, waka hi ri salukiya, ri muu waka gra ri nvuima hi ri kabrus. 5 Riwa waka zhu ri Salamis, wari tre tre Izhi rimi wa tra Izhi nji Yahuda, Yohana kana dzon wa. 6 Kugon riwa wa gra rigbu hari wari gra ri Bafos, waka to nji rɨ riwa ari ya tsu, nji ri la tre Izhi riche, nji Yahuda, inde wan a he Yoshuwa. 7 Riwa a he mba mukaddas sarjiyas Bulus nji riwa a he ri kpantu. Imba mukaddashi a ka yo Banaba ri shawulu ritu a wa ran wo tre Izhi. 8 Ama Alimas nji ri yastu-a, (Ritu rinyi nyen a he nde wan ri rɨme Helenawa), a su wa che ran wa ran kpa mukaddashina pisi. 9 Shawulu, riwa wa yo ri Bulus Iyu Tsitsri a shuu riwu, ka sro si ri nji ri gbugblu. 10 A tre, <<A wu wuhe nchon nji ri sen ji memenji ivren bɨzhi ikpanfu dindi ti iwawu wu ran ka kpanji pisi rinkon Izhi chuwo ran ko?. 11 Ngye nga wo Izhi he ritu wen mba, wuti nfɨyen, wuran to Izhi ran hari hi kusi tsa.>> Imba rika riri iwulu nga bu waka kau si, ka si wanji riwa ari ŋgɨjiu ri kpala. 12 Riwa nji rinkon a to kya riwa a ti, tse ka kpanyɨme, ran gra ti sisiri ri tsro Izhi riwa a tsro.

13 Bulus mba Banaba ri Antakiya riwa Bisidiya. 14 Bulus ri wa kpan zren wan waka wurunde ri Fega ri nvu ima, wari ka zhu ri Fega, wari hi Antakiya ri meme Basidiya, chachu son vɨri mba waka gra son ri tra Izhi. 15 Kugon riwa wa kɨra mbe ri doka nga mbe wa la tre Izhi, warinkon tra Izhi waka ti hi ri wa, wari tre,<<Miri vayi, inde tre kya he riwa bi tre rnji, bi ka tre.>>

16 Tse Bulus ka wurunde, a nzuwo inowa ki mgbi, a tre ri, <<Biyi miri vayi nji israila, ri gbron nji ti sɨri Izhi, sɨren ton mbi! 17 Izhi riwa Izhi wa Israila nyi a chu wa ti wa timbu, a gbre wa nji riwa ki ran he ri meme Masar, ri gbengbren wan riwa a zhu riwa ri miwa. 18 Ise senza a vu sron ri wa rimi ji. 19 nga a kɨregbunji tamgban ri meme Kaana, ran kɨma meme mba ti wa mba. 20 Ikya nyi a ti ri mi se ŋgo nza ri seton ri.>>Kugon ri nyi ka lo wa chu mba riwa hari ye ri vi riwa Samuila nji ri la tre Izhi. 21 Waka ibreiri nowa lo chu iwawa, imba Izhi ka nowa Shawulu ivren Kish, nji wa gbu Benjami, hari ise senza. 22 Kugon riwa a chu Shawulu joo ran lo Doda no he chu mba, ran kau tsro wa ri, me fe <Doda ivren Yeso nji nyen riwa me yɨmeu ngbazhi ran, riwa ari ti kya riwa me tre no ti.> 23 Rimi gɨzhi nji nyin nyen izhi a ngɨzhi nji riwa ari kpa Israila chuwo, Yeso bibi riwa a ran ka tre zi. 24 Kafi no Yeso no gra ndu wan, Yohana a tre tre Izhi ri nji Israila wawu nowa ka meme ti mba chuwo nowa vu wa son ima. 25 Riwa Yohana a ti hyure-hyureriwa a ri kɨrendu wan, ran tre,<Bi ya isimbi me he ngan? A ran he ame nye wa bi gben wen ran. Ama srenton! Nji ri ri ye kugonwon, riwa ko ntan za wan me ran to siu ran.>

26 <<Biyi wa ngɨzhi Ibrahi, imiri vayi, ri wawa wati sisiri Izhi rimimbi, kitan yen wa tru tre kpanji chuwo nyin. 27 Ngye wawa wason rimi Urushelima nga wa rinkon mba wana to tre wa ndu Izhi kɨreran, imba wana to tre riwa wa la tre Izhi hi riwa wa kra bla chachu son viri ran, wari sho tre riwa wa la tre Izhi ri vi riwa wa wuu. 28 Ko riwa wana fe ri meme ti riwa wa wuu ran, waka kamba bre Bitrus inowa wuu. 29 Riwa wa shu kya riwa wa ngan ritu wan, waka gɨzhi wu ritu kponkpon nkron, wari kau yo ri juju. 30 Ama Izhi ka ta shɨme ri juju, 31 Ivi kigbu riwa a he ri wawa wa zhu ri Galili ye ri Urushelima, wawa zizan wa shada wan ri nji.

32 Kita ngawen ki ngɨzhi tre raro ye riyi, iri, alkauri riwa Izhi a ti ri wati watimbu. 33 A nyiwen wan rita, kita kɨe wan mba, riwa a ta Yeso shɨme ri kuu, bibi riwa wa ngan zi ri mbe zabura ri hari ri, <Wu he vren won, Ame me he tiwen riwa.>

34 Ritu ri ta shɨme ri kuu riwa Izhi a ti, iri ran bru hi ri meme rimi riwa ari gla ngaran, ga kya riwa a tre:

<<<Me yo wo ri tsitsri ri yin riwa me tre ri Doda.>

35 Ritu Zabura ri ngawen a tre:

<Wu ran yɨme no Tsitsri wen no gla.>

36 <<Doda kam, kugon riwa a tindu riwanji rinzan wan ritu nufiji, a kruna waka nno yibi riwa ti watiwan, ka gla. 37 Ama wawu rinyi riwa Izhi ta-shɨme, a ran gla ran.

38 << Ritu kamba, miri vayi, tse bi ki to ri ritu nji nyi nyen wa layi ka meme timbi chuwo. 39 Zu riwo nganga, wawa wa kpa yɨme riwu wa jɨbu ritu kyawa riwa wana kpanji chuwo ri mbe riwa Musa ran. 40 Ritu kamba bi ti rere, ran no kya riwa a he ri wa mbe wa la tre Izhi wala nofe yi, wa.

41 <<<Tomba, biyi wa sho miri,

bi pisi ritu sisiri, bi ri kɨre! Ritu riwa meti ŋdu-ri rinzan bi,

indu riwa ba kya riwa bi ti bi ri kpa-yɨme ko inde njo la yi.>>> 42 Riwa wa Bulus mba Banaba wa zhu rimi tra Izhi, imba nji waka bre wa inowa tre tre nyi sron ngan chachu son-vɨri ri kusi. 43 Riwa nji wa shan, nji Yahuda kigbu ri wawa wa wo nji Yahuda, wawa wau Izhi, waka hu Bulus ri Banaba, wa ka tre riwa, ri ran ŋŋoron wa nowa kuki ri ndindi ti riwa Izhi. 44 Riwa chachu son vɨri mba a kɨma ye, wa gbu wawu, waka ye riwa wawo tre Izhi. 45 Ama nji Yahuda wawu waka to nji kigbu, wari kamba riwu branbran, wari sondu jan wu ritu kyawa wawa Bulus a tre, wari ran kɨratu.

46 Imba wa Bulus mba Banaba waka tre ba sisiri ri, <<Biyi, a bi riwa biyi nyen wari gbuchi tre tre Izhi, ama ritu riwa bi truu, bi tsro ri bi ran he riwa bi fe ki riwa a ran kre ran, to, ki kɨma hi ri wawa wana kpa Izhi. 47 Ritu kayin, Bachi la rita, ri:

<Me yo wuhe kpan risi wawa wana kpa Izhi ran,

Ritu riwa ritu wen nyen nji wa fe jɨbu, hari hi ri kɨremgbumgbɨumme.>>>

48 Riwa wawa wana to Izhi ran wa wo nganyi, waka ti kinklan sron, wari gbre tre Izhi. wa wa wachu wa riwa wa son riwa a ran kre ran wa kpa nyɨme.

49 Tre Izhi ka sondu shan ran gra ri gbu wawu. 50 Ama nji Yahuda waka gyuru mba wari wawa wa hu tre Izhi, wawa wa ri daraja, nga wa gbu wari wa ri gra wa ka ka bubu kabru ri wa Bulus mba Banaba, waka zuwa ri gbu mba. 51 Wawa waka kpo wɨru ri za mba ritu sheda riwa, wari hi ri Ikoiya. 52 Ama wau Izhi waka sondu ti kinkilan sron bran, Iyu ri Tsitsri ka he riwa ngbazhi ran.