1 Shawulu a ran sho-gon nowa wuu Istifanas

Chachu mba nchon tre ri a zhu ri tra Jii riwa a he ri urushelima, nji wawa waka shan ri meme Yahudiya nga Samariya. 2 Imba nji wari wa ti sisri Izhi waka ban Istifanu no yɨbi, wari yi kuu wan bran bran. 3 Ama shawulu ka sondu no wa hu Jii ya bran bran, a gra riko ran gbi mba ri ronron ran sro rimi tra tre nji.

4 Imba wawa wa zuwa waka shan-a, waka shan gra wari ran tre tre Izhi. 5 Filibu a hi gbu riwa wa yo ri Samariya, ran ran tre tre Kristo riwa. 6 Riwa nji wa wo, wa ri to kyawa riwa Filibu a ran ti ri de sisri, ri sron mba riri wa kpa kya riwa ari lawa. 7 Imba meme bɨzhi wa shnji waka kanji kigbu chuwo, meme bɨzhi waka sondu ran kpagɨro wa lilo gblu kpa nga wa nkpuzhu kigbu wa den wa kpa chuwo. 8 Ritu ngamba waka sondu ti kinklan sron bran bran rimi gbu Samariya.

9 Nji ri a he, wana yo ri Sima, riwa a ran ti gbugblu risen rimi gbu, hari a ran no nji Samariya sisiri, a ran tre riwa ri wawu nye he kpunjiwan, 10 nji wawu waka kɨma sron mba ye riwu, wa mkpen riwa ya wana tre ri, <<Nji nyi, ai, gbengbren nyi nye he gbengbren zhi, riwa wa yo ri rigra.>> 11 Imba waka yosron mba riwu, ritu riwa a ti vi hari riwa ari ti kyawa ri wa ari nowa sisiri ri gbugblu wan. 12 Ama riwa wa kpa nyɨme ri tre Izhi riwa Filibu a ti ritu kpanchison riwa Izhi nga nde Yeso, waka sonwa ri ima wawu ri mba ri ronron. 13 Ka hu ri Sima ri tuwan ka kpa nyɨme, kugon riwa wa son wu ri ima kaka ngawan ngan ri Filibu. Riwa a to wa kyawa riwa wana ti ri de sisiri, a ti mamaki bran

14 Riwa wa rinkon wa tra Jii wawa wa he ri Urushelima, wa wo ri wanji Samariya wa kpa tre Izhi, waka tru wa Bitrus mba Yohana hi riwa. 15 Riwa wa Bitrus mba Yohana wa ye Samariya wa ri bre Izhi riwa don nowa kadon fe Wu Tsitsri. 16 Ri son watu ri ima riwa wa son wa rimi nde Bachi Yeso, ama Iyu Tsitsri a ran gra rɨ rɨ ri rimimba rina. 17 Imba Bitrus nga Yohana wa ka kawo mba yo ritu mba,waka kpa Yuu Tsitsri.

18 To, riwa Sima a to, ashe, ri sawo warinkon tra Jii nye wa de Wu Tsitsri imba ka chu kubu no wa Bitrus mba Yohana. 19 a tre, <<Nowen gbengbren nyi ngawen, ritu nde me sawo ri ko ngan ritu, ka fe Yuu Tsitsri.>>

20 Ama Bitrus ka tre riwa:<<Biyi mbi kubu mbi, kuu yi, bi yonga ri kubu bi nye bi fe nde Jii! 21 Iima wen ran he ri bibi nyi ran ritu riwa isron wen ran he riri kusi Jii ran. 22 Ritu kamba ka meme ti wen chuwo ritu meme ndu wen, bre Bachi ka ari ka meme ti wen rega riwa ikya riwa wu ka zi rimi sron wen. 23 Me tou wu he ŋchi kya riwa ari nye, wu he rimi tre rimi meme ti.>>

24 Sima ka kpa nyɨme ri,<<Bre Izhi rimo no kyawa riwa bi tre mbari no ran fe wen ran.>>

25 Riwa wa rinkon ri tra Jii wa to tre Jii a he, waka tre zhu, wari bru hi ri Urushelima, wari ran tre tre Jii ri gbu wa kusan Samariya kigbu.

26 Ivren ri ndu Jii ri ka tre ri Filibu, <<Wulunde, hi kusi yawulu hu nkon riwa a zhu ri Urushelima hi ri Gaza,>>Wato nkon ri kukulu. 27 Imba Filibu a kɨma ngawan ti ran ran hi ri nkon. Riwa a ran hi ran fe nji rinkon ri Habasha riwa wawu ngawen a ran hi Jerusale Inji rinkon-a nye a he nji ri ya nkɨren riwa chu mba riwa wa yo ri Kandakatu, 28 a bru ran ye ko riwa a son ritu nkan ŋma wan, a ran kɨra mbe Ishaya nji ri tindu Jii. 29 Iyu Tsitsri ka tre ri Filibu,<<Chiwi hi kusan ŋma mba.>>

30 Imba Filibu ka wulutsu hi riwu, a wo riwa a ran kra mbe Ishaya nji rindu Jii, ran tre. <<Wu to kya riwa wu kɨra mba?>> 31 Nchon nji-a Ka tre riwu, <<Imiyin? tsede njo lawen tu wan.>> Imba ka bre Filibu iri no wawa ki mba-u.

32 Rinyi nye he gbre tre riwa a ran kra:

<<Wa gbi wu ka ntɨma hi ri bubu riwa wa han,

Bibi riwa vi ŋkshu ri son ri ŋgbaŋgbii ri wo nji riwa a ngɨzhi wu ri han ko nyu wan ran bu ran.

33 Wa tsiri wari ka kpunji wan nyon-u.

Ngha rito de njo tre wan?

Ritu riwa wa ran no son ri gbungblume me nyi ran.>>

34 Imba nji ri nkpen-a ka tre ri Filibu ,<<wori wan, nji rindu Jii nyi, a he tre ngye nye ari tre? Ari tre ritu wan ka ritu njo?>> 35 Imba Filibu ka bu nyu ran tre riti mbe nyi ran gbuchi ri gbre nji ri gra tre nyi, a ran tre tre Yeso.

36 Riwa wa he rimi zren, waka ye zhu ri ima, imba nji ri nkpen-a ka tre, <<To ma! ngye riti ko bi ran vuwen son ima ran.>> 37 Filibu ka tre riwu, <<Nde wu kpa nyɨme ri sron riri, ai waka ti riwu.>>Nji ri nkpen-a ka tre,<<Me kpa nyɨme ri Yeso he vren Jii.>> 38 Tse ka de doka iri nowa kukri ri ghɨma. mba ngamba waka gre hi ri mi ima, Filibu mba nji ri nkpen, ka vu son ri ima. 39 Riwa wa zhu rimi ima, iyu Jii ka zhu rimi ima Iyu Tsitsri ka ban Filibu hi, nji ri nkpen-a ka ran bru to Filibu ngaran. tse ka zren ran hi ran ti kinklan sron. 40 Ama waka to Filibu ri Azotus. tse ka gra kagon wa gbu, ran bla tre Izhi hari ran ka zhu Kaisariya.