1 Rima wandu Izhi ri miri vayi wawa wa he ri meme Yahudiya wawo ri wawa wana to Izhi ran wa kpa tre Izhi. 2 Riwa Bitrus a ye Urushelima, wawa wa fon wanju waka wan nyu. 3 Waka ka tre <<ngyen ngan wu gra ri wawa wa ran fon nju ran uba, hari wuri ri bibi iwawa.>>

4 Imba Bitrus ka gbuchi, ran mɨlan ran lawa tre ran hu ritu tre ri: 5 <<Ame me he rigbu Yafa ri bre, tse ira ye rimo. Me to kya gɨzhi ri ye rimo ka ncho tsro ri ka kpa, wa tru zhu ri shu zu nju wan nza, ran ka ye rɨme. 6 Riwa me sro si riwu, me ya meri to wa nɨma wa ko, ri nɨma wa ji, riwa wa gban ri meme nga wa chenchen rimi mba. 7 nga me wo raan ri tre rimo,<Bitrus, Wurunde, han, wuri tan!>

8 Ama me tre wu, <Bachi, me ran tan ran, ritu kya riwa wana tsiri-u nga riwa wa shɨma-u ran gra nyu won zari ran.>

9 Imba iran ka zhu rishu tre mo ri hari, <Ikya riwa Izhi tsiri-u, ran tre ri wa hon tsiri-u ran.> 10 Wati nganyi mkpa tra, gbi wu,hishu.

11 Ba yo sron tse ga nji tra wa kɨri kusi ko riwa ki he. Wa tiwandu zhu ri kasai riya ye ri me. 12 Tse Yuu ka tre rimo ri nowen me hi iwawa, me ran hon yo sron ran. <<Imiri vayi won tanren waka kawen gon hi, hari ki ka gra rimi ko nji-a. 13 Imba Bitrus ka lata bibi riwa a to nji rindu Izhi a kɨri ri kowan, ran ran tre ri, <Ti wandu hi Yafa nowa yo Sima riwa wayo ri Bitrus. 14 Wawu ri la wa tre riwa wuti wuri fe kpa chuwo ritu wan.>

15 Riwa me gbuchi ri tre, Iyu ri Tsitsri ka gɨzhi riwa, bibi riwa a gɨzhi ritagbuci. 16 Imba me tika,< Yohana, rima nyen a son nji rimi wan, ama biyi ri Yuu ri Tsitsri nyen bi ti riwa.>> 17 Tu nde Izhi nowa de bibi riwa a nota, riwa ki kpa yɨme ri tre <<Yeso Alimasiu, ame ngan riwa me kawon ri tre Izhi?>> 18 Riwa wawo Bitrus a tre nganyi waka ka janyu chuwo wari gra gbre Izhi wari tre,<<Izhi kpa nyime no wawa wana kpa Izhi ran chuwo kɨma ye riwu, nga ran kpawa chuwo.>>

19 To, wawa wa shan ritu yaa riwa a wurunde ritu Istifanus, wa zɨrehari ri meme Finikiya, nga kubrus ri gbu Antakiya, wana ran tre tre ji ri konjo ran ara wa nji Yauda nkankshe. 20 Ama nji kubrus wari wa ri wa kurane rimi wawa ri ye mba ri Antakiya waka tre ri wawa wana kpa nji ran, wa ran tre tre Yeso Bachi riwa. 21 Mgbembren Bachi a he ri wa, hari nji kigbu riwa wa de sron mba wari kpa tre tre Bachi wari kɨma ye ri Bachi. 22 Imba itre-a ka gra riton wa tra Izhi wawa wa ri Urushelima, wa hu Izhi waka ti Banaba ndu hi ri Antakiya. 23 Riwa waka zhu ran to dindi ti riwa Izhi a ti riwa ti kikɨlan sron ran lawa ri nowa kuki ri nkakshi wan ri sron mba wawu 24 Ritu a he nji dindi riwa a sho ri Yuu ri Tsitsri ri yo sron. Tse nji kigbu waka ye kusi Izhi.

25 Imba Banaba ka tarsus bubu wa shawulu. 26 Kugon riwa a tou, ran ngɨzhi-u hi ri Antakiya Ise ri chi wa kana kabiru ri tira Izhi, wari ran tsro nji wa kɨgbumgbajiuu ran. Ri Antakiya nyen wa gbuchi yo wa hu Izhi ri krista.

27 Ri vi mba nyen wa la tre Izhi wari waka zhu Urushelima ye ri Antakiya. 28 Tse iri rimi mba wana yo ri Agabas, a wurunde ran tre ri gbengbren wu ri, nchon yo ri ri gra, ri mgbumgbɨru menyi wawa, watiu ri vi riwa Kaludiyas a he chu. 29 Imba wa hu Izhi waka yo sron riwa wa tru zon hiri miri vayi ri bibi senkpa riwa wa riwu ri meme Yahudiya. 30 Ngamba nyen waka tiru wari ri sako mba hi zu riwo wa Banaba mba Shawulu hi wa rinkon tra Izhi.