1 Imba Agaribas ka la Bulus ri,<<Wu he ri nkon riwa wu tre ri ngawen.>>

Bulus ka nzu wo ran gbuchi ran kpa nyu ngawan: 2 <<lale me he ri wo a wu ichu Agaribas, tunde a he kusi won nye me ngɨzhi tre won ri ye ritu tre won riwa nji Yahuda wa ngji ye, 3 Adzidzan ritu a wu wu to bran ritu nji Yahuda nga tre mba ritu ngamba, me ibrevu sron wuri wo wen.

4 << Bibi son riwa mi ti tu ka me he ri nze, rimi memewon ri nji won nga ri Urushelima hari ye luwa Yandawa wa to bi ran. 5 Wa to wu ri kpanji, riwa wa ri nyime wari kpa nyu ri lale me he nji Farisa nye ritu lrɨme nye ran ti wulu bran rimi ti mba riwa mbu. 6 A he ritu me yo sron ritu me ri ye tsra tre won nyi nye riwa Izhi ti ri wa timbu nye me he ri nyi wo wa bla tre ri mo. 7 Rinyi igɨji mbu wuru don hari wa yo sron ri no he ri hu Jii ri mbireri chu, wa yo siron wari to ye tsra wan ritu yo siron-a nye nji Yahuda wa kɨra wentu. 8 A he rise ri Jii ri no wawa wa kuu nowa tashɨme, ama ran kawan ri kpa nyɨme ri yi?

9 <<Ame ri tuwon me to ri ka a he lale nye me ti wawu kya ritu no nde Yeso Nji Nazare no ran hi kusi ran. 10 Me ti kamba ri Urushelima, me ka fe nyɨme ri wa rinkon wa la tre Jii, me vu wawa wa he Tsitsri tre bran ri tra tre riwa wa ran wuu wa me ka ran shuwa nchi ngawen. 11 Me ran hi ri tra Jii meri ran nowa ya me ran nowa yɨwa nyu. Ritu tifu ri wa, me ka huwa ri wu hi nga ri gbu riwa wa he kugiran mba, me ran nowa ya.>>

12 <<Rimi ngamba nye, me ran hi ri Damasiku ri nyime wa ri riwa wa la tre Jii nga ndu mba. 13 Ri gbege ji ri nkon, a wu ichu, me to kpanwulu ka zhu ri shu a han ikpan ji, a kpan kagon mbu wawa kpan zren won. 14 Riwa wawu mbu ki joku ri meme, me ka wo ran ka ran tre ri me ri nji Yahuda ri, Shawulu, shawulu, Ritu ngye wu nowen ya? A he ndu kuklu riwa wu wanyu ri ame tiko wen.>

15 <<Imba me ka miyen-u ri,<A wu wu he nga nye, a wu Bachi?>

Bachi ka tre,<A he ame Yeso riwa wu no ya. 16 Wulunde wu ri kɨrinde, me ngɨzhi ngawon ye riwu ritu wuri tokya riwa wu to rɨme nga kya riwa mi tsro-u. 17 Me kpawu chuwo riwa wa nji wen Israila, nga wawa wana to Izhi ran riwa me tiwu ndu ri wa. 18 Ran bu si mba ran kɨma si mba ri bu hi ri kpan, nga ri wo meme nji hi ri wo Jii, riwa wa ka meme ti mba chuwo riwa nga bubu riwa wa kɨma wari ki ri yo siron ri me.

19 << Imba, ichu Agaribas, me ran kawon ri tre riwa a zhu ri shu ye rɨme-a ran. 20 Ri mimilan, me la tre Jii ri nji Damasiku nga meri la ri Urushelima nga kagon gbu Yahudaya, nga me ri la wawa wa ran hu Izhi ran nga wari ti kya riwa ari tsro ri wa ka meme ti mba rega. 21 Ritu ngamba nye Yandawa waka vu wen ri tra ibrewan ran wa wari wuu wen. 22 Riwa mi fe zon ri ji, me he ri nyi han zɨzan, me la ri ti nga vren, me ran ri la kyari ran ara kya riwa wa la tre Jii nga musa wa tre ri ari ye, 23 Ri a he lale nye Bachi ri shaya wawu nye ri gbuchi tashɨme ri bubu gyuru, ran la gbunji ri wawa wa ran to Jii ran ikpan.>>

24 Ka Bulus a ran ngɨzhi tre wan ran ye Festu ka bu nyu mgban gban ran tre,<<Bulus, wu he nji ri che nye!>> <<Ikpa kɨlan wen-a a kpa tu wan kɨma.>>

25 Ama Bulus ka tre,<<A wu rikon Festu, me ran ri ti che ran, kpunji tre me la, rimi kasiron yo rɨme. 26 Ikya riwa ari he nyi wa a wu chu to nga me tre riwu me ran ti sisri ran, me to ri ikyari ran jibu ri siron rimi nji wawa wa ran to Jii ran ikya riwa wa ti mba-a a ran he ri yayibi ran. 27 A wu ichu Agaribas, wu kpanyɨme ri wa la tre Jii? Ame me to ri wu kpanyime.>>

28 Agaribas ka la Bulus,<<Rimi vi vren vi nyi nye huwa wuri nowen me hu Jii?>>

29 Bulus ka tre,<<Ko ran he ri vi mba ko ri bi ran wan, me yo siron ri Jii, A ran he a wu nkankshiwen ran, ka hu ri wawa wa wowen luwa wari he bibi riwa me he imi che nyi,>>

30 Ichu ka wurunde nga nji ri kpanchi nga Barniki, wawa wa he ri wa ri bubu wan. 31 Riwa wa ki ri bubu ri, waka ti shawara, wari tre,<<nji mba a ran ti kya riwa a ke nowa wuu-u ko wa lo wu ran.>>

32 Agaribas ka la ri Festu,<<A he ritu nji mba ngɨzhi tre wan hi ri Kaisar igyen bi ri kawu chuwo no hi ngawan.>>