1 Imba rinkon wandu Jii a mɨye, Istifanu,<<A he nganyi nye?>>

2 Isifanu ka tre,<<Biyi miri vayi riwa rinkon, sren ton bi ri wowen Izhi riwa wa gbresan wan a ye ri ti wa Timbu Ibrahi ri vi riwa a he ri gbu Mesofotamiya tu ka a ran son ri gbu Hana ran. 3 Ka tre riwu,<Wurunde ri meme mbi, rimi miri vayimbi, hi ri meme riwa me tsro wu.>

4 <<Imba ka wurunde zhu ri meme ka Kaldiyawa ran son ri Hana ri bubu wan, kugon ri meme riwa bi ki rimi wan zizan. 5 Ama wawu ri tuwan, a ran no gado wan ko za riri ran, tsede a lo tre zi ri wawu ri ka chuwo riwu wawu ri wa gɨzhi wan wa kugon, ama ri vi wan a ran he ri vren ran. 6 Ikya riwa Iji a tre, iri igɨji Ibrahi wa hi tsɨren ri gbu ri wa gbu wa kɨma wa ti gran wari nowa ya ri se gbigba nza. 7 < Hari luwanga,>Izhi a tre,<Ikpanji wawa wa yowa ya, ame me nowa ya kugon nganyi wa zhu ye wari kɨbu mgbazhu rimo ri bubu wan.> 8 Nga ka ka tre zi ritu fon nju ritu nganyi,riwa ibrai a ngji Ishaku, a fon wu nzhu rivi ri tandra Ishaku a ngji wa ti wa timbu wuru don hari wanyi.

9 <<Wa ti wa ti wanyi, wa ran tingu ri Yusufu hi ri gbu Masar, ama Izhi a he riwu,. 10 A zhu riwa rimi ya wan wawu ran no kinklan yi nga wiwɨri kusi Friyona, ichu Masari wawu Friyona ka no rinkon ri Masari ran kanji wa ko wan sro riwo wan wawu.

11 <<Imba iyon ka gra ri meme Masar nga kaana ritu nchon ya hari wati wa Timbu wana fe ri ran. 12 Ama riwa Yakubu a wo ri iri he ri Masar ran ti wa ti wa Timbu ri gbuchi. 13 Ri himba ri hari Yusufu ka kangawan la miri vayi wan, Friyona ka to bubu riwa Yusufu a zhu. 14 Imba Yusufu ka tindu hi ri tiwan Yakubu no ye ri miri vayi wan wawu nji se tangban don ton. 15 Tse Yakubu ka Masar ri muu nye ka kuu, wawu iwa wa ti wa timbu. 16 Imba waka vuwa bru hi shekem, wari nowa yɨwi ri wa Ibrahi a reri nkirem riwo miri Hamor ri shekem.

17 <<Ama riwa ivi riwa Izhi a tre zi ri Ibrahi a ye nji waka kigbu bla bubu bran ri meme Masar, 18 Hari waka ti chu ri Masar riwa a ran to ko ngan nye he Yusufu ran. 19 Ichu nyi a sen wa gbu mbu ran zhu riwa ri fu wan, ŋenŋen mba, ritu nowa ran nawo ran.

20 <<Rivi-a nye waka ngɨzhi Musa shisha vren, waka mɨlan-u ngɨzhi ti huwa tra ri ko tiwan. 21 Riwa wa zhu riwu ngɨzhi-u ka ri rinyu nne ivɨra Friyona a ka to-u ran ban wu ye ran mɨlan-u ngɨzhi ka ivren wan. 22 Waka tsro Musa tre bibi riwa wanji ri Masar wawu a he nji riwa a he ri gbengbren rimi tre ri ndu wan.

23 <<Riwa Musa a vu se senza, tre a ye riwu no hi ri miri vayi wan israilawa. 24 Riwa a to wana sen vayi wan, ka gra kusi vayi wan riwa wa sen-ua ran kpawo wan ran tsi nji ri Masar wuu. 25 A yonga imiri vayi wan wato ri Izhi ri kpawa chuwo zu riwo wan ama wa ran to ran 26 Ri mibreri han wan wari wana wanyu ri ngamba, ka wa ran ga wa a tre,<<Biyi miri nji Bi he miri vayi nye fa, ngye ti ko bi sen ngambi?>>

27 <<Ama riwa a ran sen vayi wan ka tru Musa, ran tre,<ngaa nye nowu rinkon nga bla tre ritu mbu? 28 Ka wu wa wuri wuu wen bibi riwa wu wuu nji ri Masar iren? 29 Riwa Musa a wo tre-a tse ka wulutsu hi ri meme Medayana, ri bubu riwa a ngɨzhi miriron hari.

30 << Kugon riwa a ti se senza, Iyu ri ndu Izhi ka Juu ye riwu ka rɨme wulu ri nkpuzhu konkron, ri wulu ri ji ri tita sinai. 31 Riwa Musa a to nganyi, ran ti sisiri kya riwa a to. Ran chiwi ye riwa ari yo, a wo ran Bachi ri tre ri: 32 <Ame me he Jii wa Ti wa Ti wen, Iji riwa Ibrahi nga Ishaku ri Yakubu.>Ikpa Musa ka gra ri tsiri mgbimɨri a ran to ya ran. 33 <<Imba Bachi ka tre riwu ri,<Juu ntan za wen, ritu bubu riwa wu he nyi a he tsitsri bubu. 34 Kpunji tre me to bibi ya riwa wa no nji won riwa wa ri Masar, me wo kpachumba, me ri gɨzhi riwa me kpawa chu wa zizan ye me ri tiu ndu hi ri Masar.> 35 <<Imba Musa riwa wa kamba riwu, wari ran tre ri,<Nghan zi-u chu nga nji ri bla tre ritu mbu? wawu nye Iji tiu ndu no he nji riwa ari he rinkon nga nji riwa ari kpanji chuwo, ritu zon riwa Iyu rindu Jii riwa a ye riwu rimi ji. 36 Wawu nye zhu riwa, a ti kyawa wa de sisiri riwa a no nji mamaki ri meme Masar nga Ba Maliya nga rimi ji, hari ise senza.

37 <<Rinyi nye he Musa riwa a tre ri Israilawa iri,>Iji ri chu nji ri ndu ri rimi miri vayi mbi, bibi riwa a chu wen.> 38 Wawu nye he ri tra Jii nyan rimi ji mba vrendu Jii riwa a tre riwu ri tita sinai ri wa Ti wa Timbu nye a kpa tre ri jaji wan ye rita.

39 <<Ama wati wa Timbu wa kamba ri kpa tre wan, wari tru yo gran, isron mba ka kɨma hi ri meme Masar. 40 Nji waka tre ri Haruna ri,<Ti gbugblu ri ta riwa wa ngɨzhi ta zren, ritu Musa mba riwa a zhu rita ri Masar, ki ran to kya riwa a fe ran!> 41 Ri vimba waka me bu lando ri, wa han wa nɨwan riwa wa ti lɨbu sro riwu sro vɨrewari ran ran ti kinklan sron ri ndu riwa wa ti riwo mba. 42 Ritu nganyi Iji a kɨma gon ti wa ran kawa chuwo ri hu ntsen huwa, bibi riwa a he rimi mbe wa la tre Jii ri, biyi wanji Israila, ame nye bi han nɨma, bi ri sro yi hari se senza rimi ji?

43 Bi no mpɨwan molek mkp

Ri bibi ntsen riwa nji wa tiu ri wo,

riwa bi ritu ngambi riwa bi ran kɨbu mgbazhu.

Ame me kɨma yi ban ku gon Babila.

44 <<Wati wa Timbu wa ri tiranga ri ji, bibi riwa nji riwa a tre nyi iwa Musa a tre ri nowa tre tsra ri ri bibi riwa a to. 45 Itranga nyi nye wati watimbu wa riwu, waka ngɨzhi-u ye ri meme nyi ri vi Joshuwa, kugon riwa wa ngɨzhi meme risimba Itiranga nyi a he hari ye ri vi Doda, 46 Riwa a fe zon riwo Izhi hari ran wa zon riwa ari me bubu bre Izhi riwa Yakubu. 47 Ama Sulemanu nye a me tra ri Izhi.

48 << Ndu ritu ngangin nji riwa wa gbre wu ran ri son ri wa ko nga me riwa nji bibi riwa nji ri la tre Jii Ishaya a tre:

49 <<Iji a tre,

ishu nga meme he bubu yo dza won.

Bubu tan nye riwa bi mme ri mo?

Ka bubu tan nye he bubu son vɨri won?

50 Aran he rimi gbengbren won nye me ti kyawa wanyi ran?>

51 Istifanu a tre<<Biyi wa han ton, wawa irimɨren mba kunyɨren, wa wa wa kawo, bla vi bi kambi ri bibi riwa wati wa Timbi wati bibi wan nye biyi bi ti! 52 Rimi wa la tre Jii ritan nye wati wa Timbi wa ran nowa ya ran? Wa wuu wawa wa la tre ye nji ri kpunji tre-a, riwa bi ri amana wan zizan ri wawa wa wuu-u. 53 Biyi nye bi kpa tre doka Musa riwa miri ndu Izhi wa no Musa ama bi ran hu ran.>>

54 Riwa wa rinkon wa nji Yahuda wawo kyanyi, waka tifu bran bran, wari tan nyiri ritu fu ri wu. 55 Ama istifanu sho ri wu tsitsri, ran sɨri si ri shu, ran to mkpen Jii ri Yeso a kɨri kuri kuwori Jii. 56 <<Imba Istifanu ka tre,<<Ingye ngha-en, me to shu bu nga vren nji ku wo ri Izhi.>>

57 Ama waka kpagro bran wari hɨma ton ba wari wulu riwu ri tre mba riri, 58 Wari zhu riwu kugon gbu wari sondu ta ri tita wawa isimba ki ri vren ze ri, riwa wa yo ri shawulu.

59 Riwa wa ran ta Istifanu ri tita wawu kana bre Izhi, ran ran tre ri,<<A wu Bachi Yeso, kpa wu won.>> 60 Imba Istifanu ka kɨbu ngbazhu, ran nzu ran bran, ran tre,<< Bachi ran yo meme ti nyi>> a la nganyi tse ran kuu.