1 Shawulu, a sondu ran la wa hu Izhi ritu riwa ari wawu ri wuu wa, ran hi ri rinkon wa hu Izhi ri 2 a bre wu iri no ngan mbe ri wawu nowa ngɨzhi hi no wa tra Izhi ri Damasiku, iri inde wawu fe wawa wa hunkon nyi, ko rinkon ko mba, wawu ri ngɨzhi wa ye rimi gbu Urushelima rimi tra lo nji. 3 Riwa Shawulu a he hɨyeyureri Damasiku, mba bibi kpan wulu ri ka zhu rishu ran kpan kagon wan. 4 Imba ka joku, ran wo ran rɨ ri tre riwu, <<Shawulu, Shawulu, ingye ti ko wu no wen ya?>>

5 Shawulu ka tre, <<wu he ngan, a wu Bachi?>> Imba ka tre, <<Ame me he Yeso riwa wu no wen ya.>> 6 << Ama wurunde gra ri gbu, ri muu nyen wa la-u kya riwa wu ti.>>

7 Wa kpan zren wan waka wa kya ri tre hegyen, wa ran wo ran, ama wa ran to njo ran. 8 Imba Shawulu ka wulunde, ama riwa a bu si ka ran to tsu ran. Imba waka ngɨzhi-u ri kpala hi ri Damasiku. 9 Ivi wan tra a ran to tsu ran, a ran ri ri ran a ran so ima ran.

10 Nji ri hu ri Izhi ri Damasiku, wana yo ri Hananiya. Bachi a tre wu rimi raa ri <<Hananiya!>>

<<Wawu ka tre, Me kpa nyɨme, wu Bachi.>>

11 Bachi ka tre riwu ri, <<Wulunde hi ko Yauza wuri miyen Shawulu nji ri Tarsus riwa ari bre Izhi ri bubu wan. 12 Hari rimi raa wan a ton nji ri, riwa wa yo ri Hananiya, a ye ran yo wo ri wu ritu no to tsu.>>

13 Imba Hananiya ka tre,<<A wu Bachi, Me sondu wo tre nji nyin ri ŋyum nji kigbu, ritu meme ti wan riwa a ti ri wa tsitsri wen ri Urushalema. 14 Ko eron wa rinkon wa gbuchi no kon no lo ko ŋnan riwa ari bre Izhi rimi nde wen.>>

15 Ama Bachi ka tre ri Hananiya,<<Wulunde hi fe Shawulu ri lau ri me chu wu no he vren ri ndu won. No la nji wawa wa ran to Izhi ran. Ari la wa chu ritu won. ran la wa nji Israila ritu won. 16 Ritu riwa me lau bibi kpa ya riwa ari so ritu nde won.>>

17 Imba Hananiya ka hi, ran gra riko Yahuda. Riwa a yo wo riwu ri tu, ran tre,<<A wu Vayiwon Shawulu, Bachi nyen tiwendu, wato Yeso, riwa a fe wu rinkon riwa wu hu ye, ritu riwa wu bru to tsu, nowa shuwu ri Yuu Tsitsri.>> 18 Imba megyen ron ikya a he ka ŋkɨbu a zhu ri si wan joku, imba ka bru to tsu. mba ka wulunde, waka son wu ri ima, 19 Imba ka ri bi ri, isenkpa wan ka bru ye wu.

Shawulu a ti vi gbre ri wa hu Izhi wawa wa ri Damasiku. 20 Imba meron ka gra tre tre Yeso rimi wa tra Izhi mba ri, Yeso he vren Izhi. 21 Wawa wa wo-u wawu waka gra ti Tsisri, wari tre,<<Ashe, a ran he nji nyi nye a vɨra wa bre Izhi ri nde nyi ri Urushelima ran? A ye rinyi riwa ari vu wa lo hi kusi wa rinkon ndu Izhi?>> 22 Shawulu ka bru ran ŋɨmo sron nji Yahuda wa wa wa he ri Damasiku, a ran tre riwa ri Yeso nye he Bachi.

23 Kugon riwa wati vi hari nji Yahuda wa ka kabɨrunyu iri nowa wuu Shawulu. 24 Riwa Shawulu afe wo kya riwa wa zontu ri wawu. Richu ri Izhi wana gben ri nkon gra rigbu riwa wa wuu. 25 Ama riwa ichu a ti miriko wan waka ngɨzhi hu, wari son-u zu ku windo riwa a he ri kpa gɨzhi rimi nchon sisen.

26 Riwa a ye ri Urushelima ran wa riwa ari gra ri tsutsu wau Izhi, ama nji waka ti sisiri wan wawu ritu riwa wana nyɨme ri a he vayi mba ran. 27 Ama Banaba ka vu riwo ran ngɨzhi hi ri wa rinkon ndu Izhi ran lawa bibi riwa Shawulu a to to Bachi rinkon ri bibi riwa Bachi tre riwu, ri bibi tre tre Izhi riwa a tre ri Damasiku ri sron wan riri rinde Yeso. 28 Rimba Shawulu ka gra kabru tu riwa ri Urushelima. 29 A ran tre tre Izhi ba sisri rinde Bachi Aran tre ri nji Yahuda wawa wawo Helenanci, ran ran wankon riwa wa wuu. 30 Riwa imiri vayi wa to kamba wari ngɨzhi Shawulu ye ri kaisariya, wari truu hi ri Tarsus.

31 Imba nye nji wa hu Jii ri meme Yahudiya, ri Galili, ri Samariya waka fe si, a zon wa ngbajiran, wa ran zren ri kyawamba Tsitsri ritu wa kɨlu sisiri Jii Iyu ri Tsitsri a ran zon wa, hari waka shan kigbu.

32 Mbaron, Bitrus riwa a kagon wa gbu wawu, nga ran hi Tsitsri nji wawa wason ri lidda. 33 Ri bubu wan ka fe nji ri, riwa wana yo ri Iniyasu, riwa a kru mme ti se tandɨra, a he ri lilo klu kpa. 34 Imba Bitrus ka tre Iniyasu ri, <<Iniyasu, Yeso kpau chuwo wulunde wuri ban bla ri kru wen. >> Rimba ka wurunde kari meron. 35 Nji lidda wawu nga wa meme saron waka tou, wari kɨma ye ri Bachi.

36 Ri yafa Iwa ri hu Jii ri a he, inde wan a he Tabita, wato Dokas. Iwa-a a he ri sron dindi, nga ran zon nji wa ya. 37 Rivi mba-a a ran he ri sikpa ran, a kuu riwa wa suukpa, wari kau yo ritu bubu kru ri ko ri shu. 38 Ritu riwa meme Lidda a he kusan Yafa, riwa wau Jii wawo ri Bitrus he rinkon bubu wan wari ti nji hari hi riwu, no ran wu vi ran no ye ri wawa.

39 Imba Bitrus ka wulunde huwa. Riwa a ye bubu wan waka ngɨzhi-u hon hi ri tra ri shu, imba wawa wa romba waku iwawu waka ki kusan wan, wari ranyi wari ran tsro watsro ri su ri rilo riwa wawu Dokas a ti riwa ka wa wawa.

40 Ama Bitrus ka zhu riwa wawu ri ra, ran kɨbu ngbazhu, ran bre Izhi. Ran kɨma hi ri kɨmo Thabita-a ran tre.<<Tabita, wulunde.>> Ka bu si, riwa a to Bitrus, ran wulunde sonnde. 41 A no wo ran nzuu dzi nde. Tse ran yo wa Tsitsri ri mba wawa waron mba wa kuu ran kau nowa ri si. 42 Tre mba ka shan gra rigbu Yafa, ikpanji wa ka kpa nyɨme ri tre Bachi. 43 Imba Bitrus ka son ti vi bran ri yafa riko nji ri riwa a ran tindu ntan riwa wana yo ri Sima.