1 Mba, Bulus ka wurunde ri Atina ran hi Koranti. 2 Mba ka to nji Yahuda riwa wa yo Akila, asalin wan a he nji Fantas, a ran son bran bran ri ye ri meme Italiya ran, riwa iwa wan Briskila, i ri kalaudiyas a la nji Yahuda no ka Roma chu wo. Mba Bulus ka hi ri wa. 3 A he nji ri ti bru to ka wa wa nga wen, ka son ran tindu ri wa. 4 Ri vi ri sonvɨri a ran la wa tre ri tra Izhi, ran ran rinjayar nji Yahuda nga wawa wa ran he nji Yahuda ran. 5 Riwa wa Sila mba Timoti wa ka ye ri Makidoniya, Bulus ka ran bla tre Izhi, ka ran la nji Yahuda ri Yeso he kristo. 6 Ama riwa nji Yahuda wa kamba ri Bulus nga wari si kra tu, ka chu tsro wan ran tre wa <<Alaki mbi a he ri to mbi! A me mi zhu, me hi ri wawa wa ran he nji Yahuda ran.>> 7 A wurunde ran hi ko nji ri riwa nde wan a he Titus Yustus nji dindi, ko wan a he huehyureri tra Izhi. 8 Mba kirisbus, rikon tra Izhi ka nyɨme ri Bachi, wawu ri nji wa ko wan wa wu. Korantiyawa branbran wa ka wo tra Bulus wa ri kpa nyɨme, wa ka son wa tu ri ima. 9 Ri chu chachu ri Bachi ka tre ri Bulus rimi raa; Ran ti sisɨri ran, ran tre tre ran son gben ran. 10 Me he ri wu, njo ran ti wu kya ran, me he ri nji kigbu rimi gbu nyi. 11 Bulus ka son tse ri ri ngbɨron, ran ri bla tre Izhi ri wa. 12 Ama ri vi riwa Galiyo a he chu Akaya, nji Yahuda wa ka wa-u tasar ri Bulus wa ri tra bla tre. 13 Wa ka tre nji nyi a ri kɨma nji gbugblu no wa hu Izhi bibi riwa ibla tre a ran he ri kon ran.

14 Ama riwa Bulus a bu nyu ri tre, Galiyo ka tre ri nji Yahuda, <<I bi yi nji Yahuda, me ti kya meme ri yi, riwa me wo tre mbi. 15 Ama ri tre riwa bi wab wen ri tu kalmomiri nde, nga ibla tre mbi, bi ka to kya mba kyu mbi me ran he ri kon bla bibi tre mba ran.>> 16 Ka zu wa ri tra bla tre. 17 Wa ka vu Sastanisu ichu tra bla tre wa ri tsi kusi tra bla tre. Ama Galiyo ka ran ti kya ri tu wan ran.

18 Bulus ka son ri Korintiya tivi bran. riwa a ka miri vayi don ran hi ri mvu ima ri Suriya, ri Briskila nga Akila wa he ri wu. Ka kron mvu tu wan ri kankiriya ritu a ti waadi ri tu nga wan. 19 Wa kaye zhu ri Afisa, imba Bulus ka ka Briskila nga Akila chuwo. Ama wa wu ri tu wan ka gra ri tra Izhi ra ran bla tre Izhi ri nji Yahuda. 20 Waka ibreu no bru son ri wa, ka ran nyɨme ran. 21 Mba ka hi nga wan, ran tre <<Me bru ye i Bachi kpa nyɨme rimo.>>Ran wulunde ri Afisa. 22 Riwa a zhu ri Kaisariya, a hi ran tre riwa hu Izhi nga ran ka hi ri Antakiya. Izren ri tre tre Izhi.

23 Riwa son bran ri Antakiya, Bulus ka hi bubu nkan-nkan ri meme Galatiya nga Firijiya, ran ran no miri ndu Izhi tre sen kpa.

24 Nji ri riwa a he nji Yahuda riwa nde wan a he Apolo, a he nji Alekzanda, a ye ri Afisa. A he nji riwa a to mbe Izhi branbran. 25 Wa tre wu ri nkon Bachi, nga ran tre bran nga wa ri tsro ritu Yeso, ama a to sontuima riwa Yohana. 26 A gbuchi tre gbangban ri tra Izhi. Mba Briskila nga Akila, wa ka wo wu, wari ngɨzhi wu ye ko mba wa ri bru mɨlan la wu tre Izhi.

27 Riwa Apolo a nyɨme ran hi ri Akaya, miri vayi wa no wa senkpa wari ngan mbe no miri ndu Izhi no wa kpa riwa a ka zhu, a zon wa wa ka kpa nyɨme ri Bachi branbran. 28 Ritu janyu riwa wa jan iwa wa ka tre ri sen kpa ran tsro nji Yahuda, a ran la wa tre iri Yeso a he Kisito.