1 Nji ri a he ri Kaisariya, inde wan a he Karniliyas, a he nji ri senkpa rimi wa lokpa wawa wana yowa ri Italiya. 2 Wawu a he nji riwa a ka sron wan no Izhi wawu, iwa wa ko wan wana klu Izhi wawumba, a ran noji sɨraka ri sron riri, ran-ran bre Izhi ran bla vi. 3 Chachu ri mba ri krefi tra ri ji, a to vren ndu Izhi ri rimi ra ri tsukɨchiji, a gra ye, ran tre riwu, <<A wu Karniliyas!>>

4 Sisiri ka tiu ka sro si ri wu, ran tre, <<A wu Bachi, a-en gye?>> Ivren rindu Izhi ka tre riwu. <<Ibre won ri sɨraka wen zhu kusi Jii, wa he kyawa wa tika ri wu. 5 Zizan, ti wanji wa yafa ndu nowa yo Sima, riwa wa yo ri Bitrus. 6 A gɨzhi riko Sima nji ri huntan, riwa iko wan a he rinyun nne.>>

7 Riwa ivren rindu Izhi a tre riwu ran he, kayo miriko wan hari, ri soja ri riwa a ka sron wan no Izhi rimi wawa wa tindu riwu bla vi. 8 Riwa karniliyas a lawa kongye, ran tiwandu hi ri meme Yafa.

9 Riwa wa rimi hi ri gbege ji ri mibreri han wan, wati hue hɨreri gbu, tse Bitrus ka hon ri rishu tra riwa ari bre Izhi, ri gbege ji. 10 I yon ka vu mba ka wa ran ri kya, riwa he rimi ti bi ri, ira ka ye riwu. 11 A to Shuwuru ka yɨra ti hari, ran ran gɨzhi ka nchon tsro ri ka kpa wa turu ran ye meme ri nju wan nzu. 12 Rimi wan ko inɨma bibi tan wa ri wa wa wa gban rɨme, ri wa chenchen. 13 Imba ka wo iran ri ri tre riwu ri, <<Bitrus, wurunde, wuu wuri tan.>>

14 Ama Bitrus ka tre ri, <<onhon, a wu Bachi, meran tan kya riwa waon tsiri wu ri riwa wa shɨmau zari ran.>>

15 Imba ka bru wo ran, mkpa ri hari, a tre ri, <<Ikya riwa Izhi tsɨri-u, ran tre ri wana tsiri-u.>>

16 Riwa wati nganyi mkpa tra, waka ban wu hi ri shu me gyen ron.

17 Ikya a ka no Bitrus shnji sron riyu ko ira bibitan nyen ye riwu, tse ga wanji wawa Karnillyas tiwandu waka ki rinko tirankon, wa gbuchi ka miye ko sima-e. 18 Wati selema, wari miye ko ka rinyi nyen he ko nji riwa wayou ri Bitrus.

19 Riwa Bitrus a he rimi rimɨren ra wan, Iyu ka tre riwu <<ngyen nji tra wa wau mba. 20 Wurunde, gɨzhi, hi wawa, ran chu sron joo ran, ritu ame nyen me tiwandu.>>

21 Bitrus ka gɨzhi ye rnji wa-a ran tre riwa <<ngye ame-e, bi wa wen ntsen.>>

22 Wa ka tre ri, <<Inji ri senkpari nyen, wa yo ri karniliyas, nji ndindi, nji riwa a ri ti sisiri Izhi, riwa wanji nji Yahuda wa gbre wu wawu nye tsitsri nji ri la tre Izhi a lau, a tiundu no hi kowan nowo tre wen.>> 23 Imba Bitrus ka ngɨzhi wa gra waka gɨzhi ri mibrerɨa wan wa wurunde hi iwawa, mirin vayi riwa wa zhu ri yafa wa kau gon.

24 Rimibreri han wan waka gra ri kaiseriya wawu Karniliyas a ran taka mba hari ran yo miri vayi wan ri wa kpan wan. 25 Bitrus ri gra ri ko mba karniliyas ka yefeu rinkon, ku kusi wan, ran kɨbu mgbazhu riwu. 26 Ama Bitrus ka zuu wurunde, ran tre,<<Wulunde, ai ame ngawen me henji.>>

27 Wana tre mba Bitrus, ka gra ran fe nji kigbu ka wa kabru ki. 28 Ka tre riwa,<<Biyi ngawen bi to a ran bi no nji Yahuda no kabru, ko no hi ri nji ri riwa a he rɨme ri kan. Ama a tsron wen nowen me tre ri jo ri a ran he ri tsitsri, ko nji riwa wa shɨma ran. 29 Ritu kamba riwa wa wawen, me ye, meran kawon ran. To, zizan mesu meri wo kya riwa bi yo wen.>> 30 Imba Karniliyas ka tre, <<Ruwa he vi ri tra nyen een. A tsra kayin meran bre Izhi ri krefi tra ri yawuru ri kowon, tsa ga nji ri a kri kusi won a su tsro riwa ari nban si ririri. 31 A tre, <<A wu Karniliyas ibrewen wa kpa nyime riwu sɨraka wen a he kya ri taka ri Izhi. 32 Ritu kamba, tindu hi yafa nowa yo Sima riwa wa yo ri Bitrus, no gɨzhi riko Sima riwa ari huntan rinyu nne.> 33 Ba wuvi tse me tindu ye riwu, wu milan riwa wuye. To zizan ingye kita wawu ki ye kusi Izhi don kiri wo kya ri wa Izhi la riwu.>>

34 Bitrus ka tre ri,<<Kpunji tre me to ri Izhi ran ri sutu ran. 35 Ama ko gbu watan iwawu wawa wati sisiri Izhi nga wawa wa mɨlan zren mba zren Izhi ri kpawa. 36 Izhi a tru tre wan rnji wa Israila, nowa tre tre ri so sisron zu riwo Yeso Alimasiu, wawu nyen he Bachi riwa ko ngan. 37 Biyi bi to tre nyin riwa a shan gra meme Yahudiya iwawu, wa gbuchi ri meme Galili, ri kugon riwa wa son Yohana rima ka tre tre Izhi. 38 Wato tre Yeso nji Nazara, bibi riwa Izhi a gban wu ri nye nga Wu ri Tsitsri nga mgbenmgbren ri bibi riwa a sondu kagon rindu ri ndindi ti, a ran den wawa wa ri lilo bɨzhi kpa chuwo wawu, ritu wa Iji a he riwu.

39 Kita ki he wa shada ritu kyawa riwa a ti wa ri meme Yahudiya ri Urushelima. Wawu nye wa wuu, riwa wa vuu kpan rikpa kponkpon konkron. 40 Izhi a chu wu zhu rimi vi ri tra ran nyɨme nowa to. 41 Ama a ran henji wawu wato ran tse de wawa wa chu wa ri gbuchi, a he kita nyen, wawa ki ri kiri so iwawa, kugon riwa a wurunde ri bubu bi. 42 A nota nkon riwa ki tre tre Izhi, ki ri to iri wawu nyen riwa Izhi ka bla tre wa si riwa kuu- chuwo riwo wan. 43 Wawu nyen wa la tre Izhi wawu wade shada rituwan ri ritu nde wan nye ndu nji riwa a kpa nyɨme riwu wa ka meme ti wan chuwo wu.>>

44 Bitrus a he rimi tre nyin, tse Wu ri Tsitsri ka gɨzhi ri nji wawa wawo iwawu. 45 Imba nji Yahuda wawa wau Izhi, wawu nji riwa waye iwa Bitrus, waka ti mamaki to riwa hari wawa wana to ran wa nowa de ri Yuu ri Tsitsri. 46 Ritu riwa wawo wana tre ri nyu wari nkan, wari ran gbre Izhi imba Bitrus ka tre. 47 <<Injo ran he riwa ari zuta rima riwa ki sonji wanyi rimmi wan ran, wawa wafe Yuu ri Tsitsri, bibi riwa kita kife ngawen?>> 48 Imba tse ka nowa son wa riima rinde Yeso Alimasiu. Imba waka bre wu no fon vi tsa sro ngan ri wawa ri.