1 To ri Ikoiya waka gra ri tra bre Izhi nji Yahuda iwawa, Waka la tre Izhi. Ikpa nji, nji Yahuda nga wawa wa ran to Izhi ran, waka kpanyɨme. 2 Ama nji Yahuda riwa wa kamba ri hu, waka gyuru wawa wa ran hu Izhi ran, wari kpawa pisi nowa ran kpa Izhi ran. 3 nga Bulus mba Banaba wa ki bi ran ri bubu wa, wari ran la tre Izhi ri sron riri ritu ikon Bachi wawu nyen a la tre dindi ti wan riwa ari no wa ngbemgbren kya wa dindi hu ri wo mba. 4 Ama nji wa gbu waka ga kamba, wari kɨma hi ri kugon nji Yahuda wari ka hi kugon wa ndu Izhi. 5 Riwa wawa wa ran hu Izhi nga nji Yahuda nga wa rinkon mba, wa wulu riwa ri fu riwa hu Izhi nowa ya bi ran wari tawa ri tita. 6 Waka wo labari , wari tsutsu hi ri gbu likoniya wato listira nga Darba, nga ran kagon mba. 7 Ri ŋba waka ran la tre Izhi. Is wa ta Bulus ri tita ri listira.

8 To ri listira nji ri ka kuson, idza wan wa ran senkpa-ran, a ran ti kpɨre ran tu ri vi riwa wa ngɨzhi wu, a ran zren to ran. 9 Ka ran wo la tre Izhi Bulus, mba Bulus ka yo si riwu, riwa a to ri ikpa nyɨme wen wa tsra riwa wa no-u fe si. 10 Ka nzu ran ran tre,<<Wulunde, kiri rinde.>> Mba nji-a za kiri rinde ran zren. 11 Riwa igbunji-a waka to kya riwa Bulus a ti, waka nzu ran gbangban wari ran tre ri rɨme Likoniya, <<Njanji, izhi wa tsitsa wa gra rita ri bibi kpa mbu nji.>> 12 Waka tre ri Banaba wawu he zafsa, nga Bulus ritu wawu ŋgen he rinkon ri tre, ri wawu nyen he Hamisa. 13 Mba ichu wa ti baan Zeyus, riwa itranga wan a he ri kugon gbu, ka ngɨzhi nchon lando nga flawa ri nkon gbu, ka ran su ran ti hadaya wawa igi.

14 Ama riwa wa ndu Izhi-a Banaba nga Bulus, ran wo kamba, waka zhu tsro nba gbon wari ran kpagiro hi gra rimi gbunji wa ran tre. 15 <<Ritu ŋge ko bi ti kamba? Kita ngawan ki he nji ka biyi ki ngɨzhi tre Izhi nyen ye ri yi, ritu bi ri kɨmagon ti Izhi wa ari vɨri, riwa a ti shu ran ti meme nga kya riwa a he ri miwan. 16 Wawu nyen ri zamaniwa riwa a ka wawu nji don ri nowa ti kyariwa wa su. 17 Ri kamba a ran ka ngawan chuwo zari to ran, a ran lawanjo ritu a ri ti kya dindi ran.>> 18 Ri bibi tre wamba ama wa ran to kiri gbengben wari nowa ran ti hadaya-a ran ritu mba.

19 Ama nji Yahuda wari waka zhu ri Antakiya nga Ikoiya, riwa wa kpa kabru nji pisi, wari chu Bulus ri tita wari gbi wu hi kugon gbu, wari yonga a kuu. 20 Ama riwa wa hu Izhi waka kagon wan ki, ka wurunde ran kɨma hi ri gbu ri mibrerɨa wan wawu mba Banaba waka hi Darba.

21 Riwa wa la tre ji ri gbu, wakafe wa hu ji bi ran, waka kɨma hi listira nga ikoniya, nga Antakiya. 22 Wari ran karfafa wa hu Izhi, wari ran fen waton riwa nowa kri ri yosron mba, wari ran tre ara ri shaya bran ko ki gra ri kpanchison Izhi. 23 Kugon riwa wa zhu wa rinkon riwa ri kowan ikkelisiya, nga ri bre Izhi vu wu, wari kawa no Bachi, wawa na kpanyɨme riwu. 24 Riwa wa zren rimi gbu Bisidiya, wari ka zhu ri meme Bamfiliya, 25 riwa wa la tre-a ri Fega waka hi ri Ataliya.

26 Ri bubu wan mba waka gra rimi nvu ima hi ri Antakiya, ri bubu riwa towo riwa wa bre Izhi riwa no dindi ti Izhi no he riwa rimi ndu riwa zizan wa kɨrewu. 27 Riwa wa ke, waka vu nji wa hu Izhi wari ran lawa ikya riwa Izhi, ti ritumba, nga bibi riwa ka bu nkon ri wawa wa ran to Izhi ran nkon. 28 Waka ban vi ri bubu wan iwa mirindu Izhi.