Məshyùu-tyunəkə te məgháa bənyii
1 Mɔ kʉ̀ʉ mbɔ bii bɛ tʉŋkwɔŋ ndə nubə-ɔ̄ŋ fɛ, bəliŋ-bɔŋ, mbɔ, mbɔʼkə nɔ nə kə́ dʉ̀ʼ fia tʉ bətietie-bʉʼʉ ndə i kə gɛ̀ hə bəshʉ-bɔŋ, bɔ̂ŋ bənchəŋ dàa muukwɛʼtəŋmə10:1 B̃ə nɔ kə́ tíi muukwɛʼtəŋmə-ɔ̄ŋ nə Muukwɛʼtəŋ-Kəmbuu-mə. Nɔ bɛ muu ndə Nyii kə chìi i chə̀nə ndəŋ ŋkwutəbə ibûu, bʉə-Isilɛ dàa hə sê-ghɔ̄ vɛʼ ndə bɔ̂ŋ kə lɔ̀ hə Iji.. 2 Mu mbʉ kəmbɔʼ ghɔŋbə mbʉ muukwɛʼtəŋ, bɔ̂ŋ bənchəŋ fí muu ndə bʉə ndə bɔ̂ŋ kə́ gɛ̀ hə bɔ̌ŋ Mushi. 3 Bɔ̂ŋ bənchəŋ yú ntɛ bəfɔyu imɔʼ ndə i gwè hə yuo, 4 bɔŋleʼ nú ntɛ muu imɔʼ ndə i gwè hə yuo. Bʉʼka bɔ̂ŋ kə nú hə ndəŋ ŋgoʼ ndə i gwè hə yuo ndə ɔ kə́ gɛ̀ hə bɔ̌ŋ bɔŋ. Mbʉ ŋgoʼ nɔ kə bɛ Klai nə mbəŋ-ɛŋ. 5 Bɔŋ tʉʉ-Nyii kə bʉ̀ʉ ndə njɔŋnjɔŋ yʉə fɛ, nɔ ɔ yítə bɔŋ wɔ̀ʼhə ŋkwubə-ʉə mu kwɔŋkəyəŋnə.
6 Nubə-ɔ̄ŋ nɔ kə fyú ndə fʉʼkənu tʉ bʉʼʉ, mbɔ bʉʼʉ mə kɔ́ fyiihə-ʉə ndəŋ fɔʼ-bʉəbʉə-tə ndə bɔ̂ŋ fɛ. 7 Kə bii mə kə́ gháa bənyii nə bəbɛʼbʉə mu bɔŋ nə kə́ fɔ̀ʼ fɛ, haʼ ndə bə kə nyɔ̀ʼ mbɔ, "Mbʉ bʉə nɔ kə dùʼtə sê ndə məyú, nú bɔŋleʼ kʉ̀ʉ ŋkʉ̂ʉ-bəsəŋ-bə."10:7 Nubə-ɔ̄ŋ nɔ kə bɛ vɛʼ ndə Mushi kə bɛ kwɔŋ ndə məyʉ́ nubə hə kəghɔ-Nyii. Bʉə-Isilɛ shi kwɛ̀ŋhə Alo mbɔ ɔ̈ chìi nyii tʉ bɔŋ. Ɔ fí nyiinyɔmə-ʉə ghɔŋbə ghʉəʼ-kwii-bə-ʉə ghɛ́ŋhə, bɔ́ŋ naʼ nə yɔŋ, tʉ́ʼ bɔ̂ŋ kə́ lə̀ʼtə ndə nyii-yʉə. Ndʉʉ bɔ̂ŋ gwè ndə mələ̀ʼtə nɔ, b̃ɔ̂ŋ nɔ yú fɔbə, nú ndʉʼmə búu bɔŋleʼ kʉ̀ʉ ŋkʉʉkə ndə məlɛ́ɛŋ mbʉ nyii-yʉə-ghɔ̄. 8 Bʉʼʉ kie ndə məkɔ́ʼ ŋwɔŋtə-ʉʼʉ ndə məgháa bəsəŋ ndə bəbɛʼbʉə mu bɔŋ nə kə fɔ̀ʼ fɛ. I nɔ kə chìi bʉə 23,000 gwùtə sê kwútə ndəŋ chîmbikə imɔʼ.
9 Byuunɔ, kə bʉʼʉ mə kə́ mùutə Klai ndə bəbɛʼbʉə mu bɔŋ kə mùutə ɔŋ, yɔhə lə́ŋtə bɔŋ yítə fɛ. 10 Byuunɔ, kə́ luŋtə ndə bəbɛʼbʉə mu bɔŋ kə́ luŋtə, Fɔŋ-kwú yítə bɔŋ fɛ. 11 Nduɔ, nubə-ɔ̄ŋ nɔ kə fyú tʉ bɔŋ ndə fʉʼkənu tʉ bʉʼʉ, bə bɔŋleʼ nyɔ̀ʼ ndə məshyùu tyunəbə-ʉʼʉ ndə bʉʼʉ nɔʼ kə́ŋhə mbʉə mbi ndə məlìʼ.
12 Nɔ, ẅo ndə ɔ kwɔ̀ʼtə mbɔ ɔ tə́nə, lʉ̀ ndaa bʉʼka məgwù.