4 Kɔkə ndə LyʉʉhəNyiikə kɔ́ tʉ bʉə-Nyii nɔ bɛ ntɛntɛhə, bɔŋ kə́ kɔ́ haʼ mbyu kəLyʉʉhə ghɔ imɔʼ. 5 Fɔʼtə kə bɛ ghɔ ntɛntɛhə ndə məfɔ̀ʼ tʉ Tiekətʉ bɔŋ kə́ bɛ haʼ mbyu Tiekətʉ imɔʼ ndə məfɔ̀ʼ tʉ ɔŋ. 6 Bʉə nɔ kie ghʉəʼkə ndə məfɔ̀ʼ nubə ŋkʉʉŋkʉʉ, bɔŋ kə́ bɛ haʼ mbyu Nyii imɔʼ ndə ɔ kɔ́ ghʉəʼkə ndə nubə-ɔ̄ŋ inchəŋ tʉ bʉə bənchəŋ.
7 LyʉʉhəNyiikə nɔ tʉʼ dʉ̀ʼ ŋwɔŋ-ɛŋ mu wotəmiyɔŋ ndə bʉʉ bʉə bənchəŋ.
Mbyu mbʉə imɔʼ nə yəŋbə-i buŋmbi
12 Haʼ ndə mbyu mbʉə bɛ imɔʼ kə́ kie yəŋbə chɔ buŋmbi, mbʉ bəyəŋ buŋmbi chìi mbyu mbʉə imɔʼ, nɔ bɛ haʼ nɔ ndə mbʉə-Klai bɛ.
27 Nduɔ, bii nɔ bɛ mbʉə-Klai, kə́ bɛ yəŋ-mbʉə-bə-i bəmɔʼbəmɔʼ.