Mbʉə ndə i nɔʼ bʉ̀nə kóʼ
35 Bɔŋ wobɛʼ bu bíʼtə mbɔ, "Bʉə bu kwú bʉ̀nə kóʼ təka? Bɔ̂ŋ bu bʉ̀nə kóʼ nə ntɛ mbʉə ka?" 36 Mbəŋ-aŋ nɔ̌ʼ! Ŋgwie ndə a shùɔ sê məbʉ̀nə kóʼ fɛ, tə i yaʼ fəŋ kwú. 37 Ndʉʉ ndə a shùɔ ŋgwie sê, i nɔ bɛ ŋkʉʉ ndəŋ ŋgwie ndə i bu kóʼ chɔ, kə bɛ bə ŋgwie-suu, byuunɔ ntɛ ŋgwie kədɔŋ. 38 Nyii nɔ kɔ́ ntɛ mbʉə tʉ ɔŋ ndə ɔ kʉ̀ʉ, tʉ ŋgwie təmiyɔŋ, ɔ kɔ́ yi-yə ntɛ mbʉə.
42 Nɔ bɛ haʼ ndə məbʉnə-kóʼ-bʉə ndə bɔ̂ŋ nɔʼ kwútə bɛ. Fɔkə ndə bə shùɔ sê nɔ bɛ fɔkə ndə bəkɔ i fɛ̀, fɔkə ndə bə bʉ̀nə kóʼhə, kə́ bɛ fɔkə ndə i mə nə fɛ̀ fɛ. 43 Ndʉʉ ndə bə tʉʼ shùɔ sê, i byʉ́ʼ bɔŋleʼ lʉ́ʉtə, ndʉʉ ndə bə tʉʼ bʉ̀nə kóʼhə, i shʉ́ətə bɔŋleʼ bʉ̀ʉ. Ndʉʉ ndə bə tʉʼ shùɔ sê nɔ, i lʉ́ʉtə, ndʉʉ ndə bə tʉʼ bʉ̀nə kóʼhə nɔ, i kie ghʉəʼkə. 44 B̃ə nɔ shùɔ nə ŋkɛŋ mbʉə ndə bə bí wo nə yɔŋ kəchisê fɛ̄ŋ, bə bʉ̀nə kóʼhə nə mbʉə ndə i gwè hə kəghɔ-LyʉʉhəNyiikə. Kaʼ mbʉə bɛ ghɔ ndə bə bí wo nə yɔŋ kəchisê fɛ̄ŋ təmə mbʉə nɔ bɛ ghɔ ndə i gwè hə kəghɔ-LyʉʉhəNyiikə.