12 Tʉ bəʼ-bʉə-kə, mɔ nɔ bu ghɔ̀ŋ nə mbəŋ-ɔŋ, kaa Tiekətʉ fɛ, mbɔ kaʼ Kʉlʉtɛŋ təmiyɔŋ kie vi-i təmə ɔ nɔʼ bɛ́ŋ Nyii fɛ, ɔ bɔŋ bɛ́ŋ ndə məkáa ghɔŋ ɔŋ, kə ɔ mə wɔ̀ʼtə lɔŋ ɔŋ fɛ. 13 Kaʼ woke kie ləŋ-ɛŋ ndə ɔ gòʼ təmə nɔʼ bɛ́ŋ Nyii fɛ, ɔ bɔŋ bɛ́ŋ ndə məkáa ghɔŋ ɔŋ, kə ɔ mə wɔ̀ʼtə lɔŋ ghɔŋ ɔŋ fɛ. 14 Bʉʼka w̃oke ndə ɔ tʉʼ fàa Nyii nɔ chìi ləŋ-ɛŋ ndə ɔ gòʼ təmə kə́ fàa Nyii fɛ, ɔ bɛ tʉ́ʉnə, woləŋ ndə ɔ tʉʼ fàa Nyii kə́ chìi vi-i ndə ɔ gòʼ təmə kə́ fàa Nyii fɛ, ɔ bɛ tʉ́ʉnə. Kaʼ byuunɔ, vâa-bʉə mə bɛ tʉ́ʉnə fɛ, bɔŋ nduɔ bɔ̂ŋ nɔ bɛ tʉ́ʉnə. 15 Bɔŋ kaʼ mbʉ woləŋ byuunɔ mbʉ woke ndə ɔ gòʼ təmə kə́ fàa Nyii fɛ, kə́ lyʉ̀ʉ haʼ mbɔ ɔ bu fyú nə wi, ï bɛ haʼ nɔ. Ndə ntɛ-maa-ɔ̄ŋ, mbʉ woləŋ byuunɔ woke ndə ɔ tʉʼ fàa Nyii leʼbie ndəŋ ghyʉʉtə fɛ. Nyii nɔʼ tíi bʉʼʉ mbɔ bʉʼʉ dùʼ nə fyiighʉ́ənə. 16 Woke, a kínə təka mbɔ a bu gwè nə ŋkwaaNyii tʉ ləŋ-aŋ? Woləŋ, a kínə təka mbɔ a bu gwè nə ŋkwaaNyii tʉ vi-a?
Publicidade