15 Nukə ndə baʼa tʉʼ dàhə bii chɔ nduɔ, nɔ bɛ ŋgiekə ndə i fyú hə chu-Tiekətʉ, mbɔ bʉʼʉ ndə bʉʼʉ bu yi bíe mbi ndəŋ chîkə ndə Tiekətʉ bu bʉ̀nə gwè chɔ, kʉʉ fəŋ gɛ̀ bəshʉ bʉə ndə bɔ̂ŋ nɔʼ kwútə bɔ̂ŋ buŋ yi bìatə fɛ. 16 Bʉʼka Tiekətʉ nə mbəŋ-ɛŋ bu shíʼ gwè hə yuo nə gyʉʉ sɔ́ʼ kəyəŋ, nə gyʉʉ-wontəŋkwɛʼtəŋNyii, bə bɔŋleʼ tʉ́ʉ gyʉəʼə-Nyii. Ndʉʉ-ghɔ̄ nɔ, bʉə ndə bɔ̂ŋ kə bɛ́ŋ Klai buŋ kwú, bu fəŋ kóʼ. 17 Ndʉʉmɛ, bʉʼʉ ndə bʉʼʉ bíe ŋɛnə, bə buŋ jɔ̀ bʉʼʉ bɔŋ mɔʼɔ mu kəmbɔʼ bʉʼʉ bɔŋ bìatə Tiekətʉ mu yuo. Nɔ, bʉʼʉ bu bɛ bʉʼʉbə Tiekətʉ chɔ gɛ̀gɛ̀. 18 Nɔ, b̈ii kwèʼhə ŋwɔŋtə-ii nə ŋgiebə-ɔ̄ŋ.