1 Bəliŋ-baʼa, mɔ kie ndə mə-kə́-nyɔ̀ʼ tʉ bii te ŋgwɔʼmbi ghɔŋbə ndʉʉ ndə nubə-ɔ̄ŋ bu fyú chɔ sê fɛ. 2 Bʉʼka bii bənchəŋ nɔ kínə jyujyu mbɔ chî-Tiekətʉ-kə bu bɔ̀ʼtə gwè nə lʉʼ ndə ɔ gwè bətyuʼ. 3 Ndʉʉ ndə bʉə bu dùʼ kə́ ghɔ̀ŋ mbɔ, "Yəŋbə inchəŋ nɔ bɛ iyùtə bɔŋleʼ kə́ bɛ jyujyu," ndʉʉmɛ, bɔ̂ŋ bu kwɔnə nyíɛ ŋgʉəʼ shʉ́əshʉ́ə bìatə bɔŋ ndə yɔʼ-Nyii-kə byùu woke le, təmə wo bɔŋ kʉʉ nyʉ́ʉ fɛ.

4 Bəliŋ-baʼa, təmə bii bɔŋ kə́ bɛ mu kənjəŋ ndə yɔ̂ŋ-ghɔ̄ bu yi bɔ̀ʼtə bii nə lʉʼ fɛ. 5 Bii bənchəŋ bɔŋ kə́ bɛ bʉə ndə bii kie kɛʼɛ, kə́ bɛ mu mbi súunə. Bʉʼʉ kaa bʉə ndə bɔ̂ŋ bɛ ndʉʉbətyuʼ byuunɔ kə́ tə́nə mu kənjəŋ fɛ.