28 Nɔ bɛ haʼ nɔ, bələŋ nɔ kie ndə məkʉʉ bəke-bʉə haʼ ndə bɔŋ kʉʉ mbʉəhə-ʉə. Wo ndə ɔ kʉʉ vi-i, nɔ kʉʉ ŋwɔŋ-ɛŋ. 29 Bʉʼka wo kaa ghɔ ndə ɔ bàa mbɔʼ-mbʉə-e fɛ, ɔ nɔ yúʼ ɔ bɔŋleʼ lɛnə ɔŋ haʼ ndə Klai chìi tʉ chɔshi. 30 Bʉʼka bʉʼʉ bənchəŋ nɔ bɛ yəŋ-mbʉə-bə-i.

31 "Bʉʼka luu-ɔ, woləŋ nɔ kie ndə məmɛʼtə tie-e ghɔŋbə ŋkwê-i gɛ tùonə ghɔŋ vi-i, mbʉ bʉə bəbûu chʉʼ bɛ mbyu mbʉə imɔʼ." 32 Ŋguu shʉəshʉə nɔ ghɔ ndə bə kɛʼ ndə yəŋkə-ɔŋ, mɔ kə ghɔŋ mbɔ i nɔ bɛ te Klai ghɔŋbə chɔshi. 33 Buŋ ndə nɔ, ẅotəmiyɔŋ mu bii kʉʉ vi-i ndə ɔ kʉʉ ŋwɔŋ-ɛŋ, mbʉ woke-ghɔ nɔ kie ndə məbú ləŋ-ɛŋ.