Ɛfɛso 5

28 Nɔ bɛ haʼ nɔ, bələŋ nɔ kie ndə məkʉ̀ʉ bəke-bʉə haʼ ndə bɔ̂ŋ kʉ̀ʉ mbʉəhə-ʉə. Wo ndə ɔ kʉ̀ʉ vi-i, nɔ kʉ̀ʉ ŋwɔŋ-ɛŋ. 29 Bʉʼka wo kaa ghɔ ndə ɔ bàa mbɔʼ-mbʉə-e fɛ, ɔ̃ nɔ yúʼ ɔ bɔŋleʼ lɛ́nə ɔŋ haʼ ndə Klai chìi tʉ chɔshi. 30 Bʉʼka bʉʼʉ bənchəŋ nɔ bɛ yəŋ-mbʉə-bə-i.

31 "Bʉʼka luu-ɔ̄, woləŋ nɔ kie ndə məmɛ̀ʼtə tie-e ghɔŋbə ŋkwê-i gɛ̀ tùonə ghɔŋ vi-i, mbʉ b̈ʉə bəbûu chʉʼ bɛ mbyu mbʉə imɔʼ." 32 Ŋguu shʉ́əshʉ́ə nɔ ghɔ ndə bə kɛ̀ʼ ndə yəŋkə-ɔ̄ŋ, mɔ kə́ ghɔ̀ŋ mbɔ i nɔ bɛ te Klai ghɔŋbə chɔshi. 33 Buŋ ndə nɔ, ẅotəmiyɔŋ mu bii kʉ̀ʉ vi-i ndə ɔ kʉ̀ʉ ŋwɔŋ-ɛŋ, mbʉ woke-ghɔ̄ nɔ kie ndə məbú ləŋ-ɛŋ.